Nur-Sultan qalasynyń bas sanitar dárigeri Janna Pirálieva elordalyqtardy koronavirýs indetinen az shyǵynmen shyǵýǵa kómektesýdi surady, dep habarlaidy QazAqparat.
«Búgingi tańda elimizde epidemiologiialyq ahýal kúrt nasharlap ketti. Eýropa elderinde de karantin sharalary kúsheitilýde. Keibir qalalarda komendanttyq saǵat engizildi. Kino jáne sport zaldar, teatrlar qaitadan jabylyp jatyr. Qoǵamdyq tamaqtaný nysandary saǵat 18-00-ge deiingi jumys rejimine kóshýde. 25 qazanda AQSh-ta koronavirýstyń táýliktik rekordtyq ósimi tirkeldi. 24 saǵattyń ishinde 83 753 juqtyrý oqiǵasy anyqtaldy. Kórshi Reseide koronavirýs infektsiiasyn tirkeýdiń ósýi baiqalady. Elde maskany mindetti túrde jappai kiiý talaby da kúsheitildi», - dedi ol.
Osy rette 2020 jyldyń maýsym-tamyz ailarynda Qazaqstanda koronavirýs infektsiiasynyń kúrt artqanyn da eske salyp ótti.
«Búgingi tańda eldegi turaqty epidemiologiialyq jaǵdaidy barlyq kúshimizben saqtap qalýǵa tyrysamyz. Sizderden eldi qorǵap, álemde oryn alǵan jaǵdaidan az shyǵynmen shyǵýǵa kómektesýińizdi suraimyz», - dedi Janna Pirálieva.
