Foto: Azattyq-ruhy.kz
Almatyda boksshy Janqosh Turarovtyń advokatynyń uiymdastyrýymen baspasóz máslihaty ótti. Boksshynyń qorǵaýshysy Samat Mamýtov qorǵaýyndaǵy adamǵa taǵylǵan aiyptardyń barlyǵyn joqqa shyǵaryp otyr, dep habarlaidy "Ult aqparat" Stan.kz aqparat agenttigine silteme jasap.
Advokattyń aitýynsha, Ánarý Qurmanalieva aitqan aqparattyń bári jalǵan.
"Qurmanalievanyń bulai jasaýyna qatysty birneshe nusqany qarastyryp jatyrmyz. Olardyń biri aýrý nemese psihikalyq buzylys, ekinshisi – tanymal bolý úshin haip jasaý nemese bireýdiń tapsyrysy. Basqa faktorlar bolýy da múmkin", – dedi Mamýtov.
Mamýtovtyń aitýynsha, 20 tamyzda qyz aqparatty jariia etpeý týraly qujatqa qol qoiǵan, biraq soǵan qaramastan ol BAQ ókilderine suhbat berip, shartty buzǵan.
"Bul máseleni sot arqyly sheshemiz. Eger qyzdyń aitqanynyń bári ótirik bolyp shyqsa, iskerlik bedelge nuqsan keltirgeni úshin sotqa beremiz", – dedi ol.
Advokat Janqosh Turarovtyń Qurmanalievany tanitynyn rastady. Biraq olardyń qandai qarym-qatynasta ekenin ashyp aitpady.
"Ekeýi bir-birin áleýmettik jeli arqyly tanidy. Biraq qandai hat-habar almasqanyn bilmeimin. Turarovtyń qyzǵa quzyrly organdardan aryzyn qaitaryp alý úshin aqsha usynǵany týraly aqparat ta shyndyqqa janaspaidy. Eger kinási bolmasa, ne úshin aqsha usynady. Sizderge qylmystyq is materialdarynan eshqandai aqparatty ashyq aita almaimyn, óitkeni biz jariia etpeý týraly qujatqa qol qoidyq", – dedi advokat.
Janqosh Turarovtyń advokaty Ánarý Qurmanálieva politsiiaǵa tekserý úshin birneshe ret aryz bergenin aitty.
"Aryzdanýshy Ánarý Qurmanálievaǵa bailanysty internette taraǵan beinematerialdar boiynsha tergeý júrgizýdi surap, politsiia bólimine habarlastyq. Tiisti suranystar jiberildi. Eger bul derekterde senimdi dálel tabylsa, quqyq qorǵaý organdary bizge jaýap beredi", – dedi advokat.
Advokattyń aitýynsha, internette taraǵan videomaterialdarǵa jáne basqa da málimetterge sáikes, aryzdanýshy Ánarý Qurmanálieva 2024 jyldyń 19 tamyzynda saǵat 22.00-de Áýezov aýdandyq ishki ister bólimine mas kúiinde aryzdanǵan.
"Ol jerde Ánarý basqa adamdarmen janjaldasyp, balaǵat sózder aitqan. Sondai-aq ol jartylai jalańash kúide bolǵan. Osy másele boiynsha politsiiaǵa suranys jiberildi. Atalǵan málimetterdi tekserip, politsiia ǵimaratyndaǵy beinebaqylaý kameralarynan videoǵa túsirip, iske tirkep, tekserý júrgizip, oǵan quqyqtyq baǵa berip, jaza taǵaiyndap, tergeýshige aryz berdik. Osy derekter negizinde qaitadan tekserýge ótinish berildi. Derekter rastalǵannan keiin is boiynsha sot-psihologiialyq jáne narkologiialyq saraptama júrgizý týraly usynyspen ótinish berýshige habarlasamyz. Bizge onyń psihotroptyq zattardy qabyldaǵany týraly aqparat kelip tústi", – dedi Mamýtov.
Baspasóz máslihatynda Janqoshtyń ózi bolmaǵan. Boksshynyń ókilderiniń aitýynsha, ol qazir 28 qyrkúiekte Almatyda ótetin jekpe-jekke daiyndalyp jatyr. Alaida advokat Janqosh qyzdyń barlyq aiyptaryn tolyǵymen joqqa shyǵaryp, ózin kinásiz sanaitynyn aitty. Ol jýrnalisterden tergeý nátijesin kútýdi surady.
Sondai-aq ol Janqosh Turarovtyń óz aty men abyroiyn qorǵaýǵa nietti ekenin aitty. Boijetkenge jala jabylǵan jaǵdaida, olar ony jaýapqa tartýǵa ýáde berdi.
Eske salaiyq, buǵan deiin Janqosh Turarov qyz zorlady dep aiyptalǵan edi.
Artynsha, Janqosh Turarovtyń ózi de "qyz zorlady" degen aqparatqa alǵash ret jaýap berdi.
