Qazaqstandyq kásipqoi boksshy Jánibek Álimhanuly jeksenbide Las-Vegasta ótetin jekpe-jegi aldynda jankúierlerine úndeý jasady, dep habarlaidy "Ult aqparat".
«Qurmetti jankúierler! Qoldaýlaryńyzǵa raqmet. Sizder bizdiń komandamyzsyzdar! Sizder bizdiń tileýlesimizsizder! Aitqan, jazǵan qoldaý sózderińiz bizge qosymsha kúsh! Buiyrtsa tarih jasaimyz! QAZAQ STYLE dáýiri keldi!», - dep jazdy boksshy óziniń jelidegi paraqshasynda.
Aita keteiik, otandasamyz Jánibek Álimhanuly (11-0, 7 KO) men ulybritaniialyq Denni Digným (14-0-1, 8 KO) arasyndaǵy jekpe-jek 22 mamyr saǵat 8:00-de bastalady. Boksshylar WBO nusqasy boiynsha orta salmaqtaǵy «ýaqytsha» álem chempiony ataǵy úshin judyryqtasady.
