Jánibek Álimhanuly. Foto: Top Rank©
Qazaqstandyq boksshysy Jánibek Álimhanuly (11-0, 7 KO) ulybritaniialyq Denni Dignýmge (14-0-1, 8 KO) qarsy jekpe-jektegi maqsaty men qazaq stili degen ne ekenin aitty, - dep habarlaidy Tengrinews.kz agenttigi Vesti.kz saityna silteme jasap.
Jekpe-jek 21 mamyrda Las-Vegasta (AQSh) ótedi. Boksshylar orta salmaqta WBO tujyrymy boiynsha ýaqytsha álem chempiony titýlyn sarapqa salady.
"Qazaq stili degenimiz - ringtiń tórt buryshyn qoldanyp júrip judyryqtasý. Alda da, artta da jumys isteý, qorǵanyp turyp qarymta shabýyl jasaý, qarymta shabýyldan keiin qorǵaný. Bylaisha aitqanda, 12 raýndta 12 ret ózgeretin stil. Ringke shyqqan kezde qarsylasqa bailanysty beiimdelesiń. Myqty qarsylas bolsa, neshe túrli taktika, neshe túrli jaqyn jekpe-jekter, neshe túrli aldaýlar, neshe túrli qorǵanýlar kórsetýge bolady. Bizdiń qazaq stili óte bai. AQSh-ta bir belbeý úshin júrgen joqpyz. Qazirgi maqsatymyz - qazaq stilin tarihta qaldyrý. Óitkeni bizdi áýesqoi boksta tani bergenimen, kásipqoi boksta tanyp jatqany az", - dedi boksshy.
