Burynǵy álem chempiony Hassan Ndamdy (38-6, 21 KO) jeńgen orta salmaqtaǵy qazaqstandyq boksshy Jánibek Álimhanuly (11-0, 7 KO) jankúierlerine málimdeme jasady, dep habarlaidy QazAqparat Sports.kz saityna silteme jasap.
Álimhanuly men Njikamnyń jekpe-jegi 21 qarasha kúni Las-Vegasta ótti. Qazaqstandyq boksshy tehnikalyq nokaýtpen segizinshi raýndta jeńiske jetti. Osy aiqastan keiin boksshynyń menedjeri Egis Klimas WBO-dan J.Álimhanulyn orta salmaqtaǵy WBO álem chempiony titýtylyna mindetti úmitker etýin surady. Bul titýl qazirgi kezde amerikalyq Demetriýs Andradege tiesili.
«Qurmetti jankúierler! Allaǵa shúkir, bir kezeńdi artta qaldyrdyq. Biyl biz eki eks-chempiondy jeńdik. Aldymyzda chempiondyq aiqas. Bizdiń kez kelgen chempionǵa qarsy shyǵýǵa daiyn ekenimizdi bilesizder. Sizder siiaqty biz de jańalyq kútemiz. Áleýmettik jelilerdegi belsendilikti azaitamyz. Qoldaýlaryńyz úshin kóp raqmet», - dep jazdy Instagram-da Jánibektiń komandasy.
Aita keteiik, J.Álimhanuly Hassan Ndam Njikamdy jeńgennen keiin Transulttyq boks reitingi keńesiniń (TBRB) tujyrymy boiynsha orta salmaqtaǵy eń úzdik boksshylar tiziminde pozitsiiasyn jaqsartty.
