بۇرىنعى ەلەم چەمپيونى حاسسان ندامدى (38-6, 21 كو) جەڭگەن ورتا سالماقتاعى قازاقستاندىق بوكسشى جەنٸبەك ەلٸمحانۇلى (11-0, 7 كو) جانكٷيەرلەرٸنە مەلٸمدەمە جاسادى, دەپ حابارلايدى قازاقپارات Sports.kz سايتىنا سٸلتەمە جاساپ.
ەلٸمحانۇلى مەن نجيكامنىڭ جەكپە-جەگٸ 21 قاراشا كٷنٸ لاس-ۆەگاستا ٶتتٸ. قازاقستاندىق بوكسشى تەحنيكالىق نوكاۋتپەن سەگٸزٸنشٸ راۋندتا جەڭٸسكە جەتتٸ. وسى ايقاستان كەيٸن بوكسشىنىڭ مەنەدجەرٸ ەگيس كليماس WBO-دان ج.ەلٸمحانۇلىن ورتا سالماقتاعى WBO ەلەم چەمپيونى تيتۋتىلىنا مٸندەتتٸ ٷمٸتكەر ەتۋٸن سۇرادى. بۇل تيتۋل قازٸرگٸ كەزدە امەريكالىق دەمەتريۋس اندرادەگە تيەسٸلٸ.
«قۇرمەتتٸ جانكٷيەرلەر! اللاعا شٷكٸر, بٸر كەزەڭدٸ ارتتا قالدىردىق. بيىل بٸز ەكٸ ەكس-چەمپيوندى جەڭدٸك. الدىمىزدا چەمپيوندىق ايقاس. بٸزدٸڭ كەز كەلگەن چەمپيونعا قارسى شىعۋعا دايىن ەكەنٸمٸزدٸ بٸلەسٸزدەر. سٸزدەر سيياقتى بٸز دە جاڭالىق كٷتەمٸز. ەلەۋمەتتٸك جەلٸلەردەگٸ بەلسەندٸلٸكتٸ ازايتامىز. قولداۋلارىڭىز ٷشٸن كٶپ راقمەت», - دەپ جازدى Instagram-دا جەنٸبەكتٸڭ كومانداسى.
ايتا كەتەيٸك, ج.ەلٸمحانۇلى حاسسان ندام نجيكامدى جەڭگەننەن كەيٸن ترانسۇلتتىق بوكس رەيتينگٸ كەڭەسٸنٸڭ (TBRB) تۇجىرىمى بويىنشا ورتا سالماقتاعى ەڭ ٷزدٸك بوكسشىلار تٸزٸمٸندە پوزيتسيياسىن جاقسارتتى.
