Jandarbek Bekshin Qazaqstan Respýblikasynyń bas memlekettik sanitarlyq dárigeri qyzmetinen ketti, dep habarlaidy "Ult aqparat".
«QR Densaýlyq saqtaý ministri Eljan Birtanovtyń buiryǵymen Bekshin Jandarbek Muhtaruly Qazaqstan Respýblikasynyń bas memlekettik sanitarlyq dárigeri qyzmetinen bosatyldy. Biraq ol Densaýlyq saqtaý ministrliginiń taýarlar men kórsetiletin qyzmetterdiń sapasy jáne qaýipsizdigin baqylaý komiteti tóraǵasynyń orynbasary qyzmetinde qala beredi. Qazirgi tańda ol jumys babymen Almatyda júr. Onyń ornyna departament direktory Eshmaǵambetov Aijan Serikbaiqyzy Qazaqstan Respýblikasynyń bas memlekettik sanitarlyq dáriger qyzmetine taǵaiyndaldy», - dedi QazAqparat tilshisine ministrliktiń resmi ókili Dias Ahmetshárip.
Aita ketsek Jandarbek Bekshin 1958 jyly Qostanai oblysynda dúniege kelgen. 2019 jyldyń maýsym aiynan beri Densaýlyq saqtaý ministrliginiń taýarlar men kórsetiletin qyzmetterdiń sapasy jáne qaýipsizdigin baqylaý komiteti tóraǵasynyń orynbasary - bas memlekettik sanitarlyq dárigeri qyzmetin atqarǵan.
