Almaty qalasynyń jańa bas sanitar dárigeri bolyp Jandarbek Bekshin taǵaiyndaldy, dep habarlaidy densaýlyq saqtaý ministrligi.
"Densaýlyq saqtaý ministrliginiń jaýapty hatshysynyń buiryǵymen 2020 jylǵy 18 sáýirden bastap Jandarbek Muhtaruly Bekshin Almaty qalasynyń bas sanitar dárigeri bolyp taǵaiyndaldy", - delingen habarlamada.
Buǵan deiin bul qyzmetti Aizat Moldaǵasymova atqarǵan edi. Onyń kezinde Ortalyq qalalyq klinikalyq aýrýhananyń qyzmetkerleri jappai koronavirýs juqtyrdy. Qalanyń bas sanitary buǵan dárigerlerdiń qaýipsizdik sharalaryn saqtamaýy sebep bolýy múmkin dep málimdegen bolatyn. Alaida aqhalattylar Moldaǵasymovany jala japty dep aiyptap, prezidenttiń atyna hat jazdy.
Sońǵy derek boiynsha Almatyda 234 meditsina qyzmetkeri indetke shaldyqqan.
Jandarbek Bekshin buǵan deiin uzaq jyldar Qazaqstannyń bas sanitar dárigeri qyzmetin atqardy.
20 naýryzda onyń ornyna Aijan Esmaǵambetova keldi.
