Almaty qalasy boiynsha Taýarlar men qyzmetterdiń sapasy men qaýipsizdigin baqylaý departamentiniń basshysy – qalanyń bas memlekettik sanitarlyq dárigeri Jandarbek Bekshin engizilgen qosymsha sharalardyń qajettigin túsindirdi, dep habarlaidy "Ult aqparat".
Búgingi tańda Almatyda koronavirýs infektsiiasyn juqtyrýdyń 3292 oqiǵasy tirkeldi. Al sońǵy eki aptada qalada naýqastar sany eki ese artty. Osyǵan orai, qosymsha karantindik sharalar qabyldandy.
«Koronavirýsty juqtyrýdyń negizgi oryndary adamdar kóp jinalatyn oryndar men qoǵamdyq kólikter ekeni jasyryn emes. Ol jerlerde adamnan adamǵa tyǵyz qarym-qatynas jolymen juǵady jáne odan is júzinde qashyp qutylý múmkin emes. Mine, sol sebepti osy demalys kúnderi qoǵamdyq oryndarǵa barýǵa shekteý qoiý jáne sol jerlerde jappai dezinfektsiia júrgizý sheshimi qabyldandy. Dezinfektsiia – koronavirýsty aldyn alýdyń negizi bolyp tabylatynyn jáne osy uǵymǵa jeke gigienany saqtaý, qoldy jii jýý, úide dezinfektsiialyq quraldardyń kómegimen ylǵaldy tazalyq júrgizý jáne bólmelerdi jeldetip otyrý syndy talaptar enedi», - dep túsindirdi Jandarbek Bekshin.
Ol sonymen birge, osyǵan deiin engizilgen shekteý sharalary saqtalatynyn atap ótti.
Eske salaiyq, aýrýdyń aldyn alýdyń kelesi sharalaryn jalǵastyrý qajet:
- kósheden kelgennen keiin, adamdarmen bailanys jasaǵannan keiin qoldy sabynmen muqiiat jýý;
- amandasý kezinde qushaqtasyp, qol alyspaý;
- qoǵamdyq oryndarda birrettik meditsinalyq maskalardy árbir 2-3 saǵat saiyn aýystyrý;
- qoǵamdyq oryndarǵa barýdan aýlaq bolý (SOO, sporttyq jáne oiyn-saýyqtyq sharalar, qarbalas kezde qoǵamdyq kólikterge minbeý);
- koronavirýs belgileri bar adamdarmen bir bólmede qalýdan jáne jaqyn bailanys jasaýdan aýlaq bolý;
- qolmen ustaǵan gadjetterdi, orgtehnikany jáne kez kelgen zattyń ústińgi betin dezinfektsiialaý.
COVID-19-ǵa kúdiktengen jaǵdaida dereý oqshaýlanyp, maska taǵyp, ony árbir úsh saǵat saiyn aýystyrý kerek. Jaǵdaiy nasharlap, dene qyzýy kóterilse emhanaǵa habarlasyp, óziniń jaǵdaiy men shaǵymdary týraly aityp, dárigerlerdiń nusqaýlyǵyn qatań ustaný qajet. Sonymen birge adamdarmen bailanysty azaitý kerek. Ásirese juqtyrý belgileri bolsa, jótelip, túshkirgen kezde aýyzdy jabý úshin birrettik salfetkalardy paidalanǵan jón. Bólmede ylǵaldy tazalyqty dezinfektsiialyq quraldardyń kómegimen júrgizip, jii jeldetip otyrý kerek.
Suraqtar bolǵan jaǵdaida Almaty turǵyndary 1406 nemese 1308 nomerleri boiynsha habarlasa alady (OpenAlmaty).
