Jańatastaǵy kópqabatty úide bolǵan órt oqiǵasy boiynsha sotqa deiingi tergeý amaldary bastaldy, dep habarlaidy «Ult aqparat».
Bul týraly óńirlik kommýnikatsiialar qyzmetiniń aqparat alańynda ótken baspasóz brifinginde Jambyl oblystyq politsiia departamenti bastyǵynyń birinshi orynbasary Baqyt Rataev habarlady.
«Órt faktisi boiynsha QR Qylmystyq kodeksiniń 292-babynyń 3-bóligi boiynsha sotqa deiingi tergeý bastaldy. Sot-saraptama ortalyǵy mamandarynyń aldyn ala málimetine sensek, ólim ýly gazdan ýlanýdan bolǵan. Al órt ashyq ot kózi tutanǵysh materialdyń, iaǵni tósek-oryn jabynynyń betine tigeninen shyqqan. Órttiń qorytyndy sebepteri barlyq qajetti saraptama nátijesi boiynsha jariialanady», - deidi Baqyt Rataev.
Arnaiy komissiianyń tóraǵasy, Jambyl oblysy ákiminiń orynbasary Ulan Jazylbektiń aitýynsha, otbasy tolyqqandy.
Otaǵasy meditsinalyq mekemede jumys isteidi, anasy dekrettik demalysta (mektepte muǵalim).
Sondai-aq, ol áleýmettik jelilerde taraǵan «órtten zardap shekken 60 jastaǵy áiel» týraly qaýesetti joqqa shyǵardy.
«Bul aqparat shyndyqqa janaspaidy. Basqa zardap shekkender joq», - dep atap ótti Jazylbek.
Eske sala keteiik, keshe Jańatas qalasynda kópqabatty úiden órt shyǵyp, 5 bala kóz jumǵan bolatyn.
