QR Densaýlyq saqtaý ministrliginiń resmi ókili Baǵdat Qojahmetov koronavirýstyń jańartylǵan statistikasy 2 tamyzda jariialanatynyn aitty, dep habarlaidy QazAqparat.
«Biz óte qiyn protsess ótkizdik. Eki apta ishinde naýqastardy tirkeý júiesiniń senimdiligi úshin kodtaý algoritmi men nusqaýlyqtar jasaldy. Biz qoldanystaǵy aqparattyq júieni qurdyq, osy kezeń ishinde búkil meditsina qyzmetkerlerine jańa derekterdi qalai durys engizý kerektigin úirettik. Qazaqstan Respýblikasynyń Dúniejúzilik densaýlyq saqtaý uiymy ókiliniń tehnikalyq keńesine sáikes jańa málimetter ekige bólindi. Biraq eki bólik te koronavirýs infektsiiasy bar patsientter retinde qarastyrylady», - deidi Baǵdat Qojahmetov.
Ol koronavirýstyq infektsiia jaǵdaiynda kodtaý algoritmi eki kodpen, iaǵni PTR synaǵy oń bolǵan kezde rastalǵan jaǵdailar úshin jáne rastalmaǵan, yqtimal jaǵdailar úshin qoldanylady dedi.
Onyń aitýynsha, jańa tásil aýrý týraly durys boljam jasaýǵa jáne statistikanyń ashyqtyǵyn qamtamasyz etýge múmkindik beredi.
«Jańa tásil aýrýdyń aldyn-ala durys boljamyn jasaýǵa, barlyq qajetti resýrstardy durys josparlaýǵa múmkindik beredi: qansha dárigerdi tartý kerek, aýrýhanalarda qansha tósek daiyndaý kerek. Tutastai alǵanda, bul statistikanyń ashyqtyǵyn qamtamasyz etedi, bul óte durys sheshim, ol tiisti nátije beredi», - dedi B.Qojahmetov.
Eske sala keteiik, QR Prezidenti Qasym-Jomart Toqaev Úkimetke pandemiianyń statistikasyn birizdendirýdi mindettegen bolatyn. Keiin koronavirýs pen pnevmoniia statistikasy biriktiriletini anyqtaldy.
Sonymen qatar, Elimizde COVID-19 boiynsha jańa statistika 1 tamyzdan bastap júrgiziletindigi aityldy.
