QR Premer-Ministri Asqar Mamin elimizdegi jańartylǵan bilim berý baǵdarlamalary týraly aityp berdi, dep habarlaidy "Ult aqparat".
«Joǵary bilim júiesinde JOO-lardyń akademiialyq, basqarýshylyq jáne qarjylyq derbestigi keńeitildi. 7 778 bilim berý baǵdarlamasynyń reestri iske qosyldy, onyń ishinde 2 071-i – innovatsiialyq. Sheteldik seriktes joǵary oqý oryndarymen qos diplomdyq 329 baǵdarlama men 243 birlesken bilim berý baǵdarlamasy iske asyrylýda. 378 bilim berý baǵdarlamasy boiynsha 44 JOO-da oqytý sharalary aǵylshyn tilinde júrgizilýde», - dedi A. Mamin depýtattyq saýalǵa jaýap bere otyryp.
Onyń sózine qaraǵanda, bedeldi halyqaralyq reitingterde Qazaqstan ońtaily oryndarda turaqtandy.
Sonymen qatar, Úkimet basshysy mektep oqýshylaryna arnalǵan jańartylǵan bilim baǵdarlamalarynyń nátijesi birneshe jyldan keiin seziletinin túsindirdi.
A. Maminniń aitýynsha, jańartylǵan baǵdarlamalardyń áseri tek PISA-2021-de bolady, al PISA-2024 kezinde nátijelik deńgeii artady.
«Osy ýaqytta PISA-2024-ti tapsyratyn oqýshylar jańartylǵan bilim mazmuny boiynsha 7-8 jyl oqidy», - dedi Premer-Ministr.
Aita keteiik, PISA - 15-jastaǵy bilim alýshylardyń matematikalyq, jaratylystaný jáne oqý saýattylyǵy deńgeilerin baǵalaityn halyqaralyq zertteý. Jobanyń úilestirýshisi - Ekonomikalyq yntymaqtastyq jáne damý uiymy (EYDU). Zertteý bilim berý salasyndaǵy jetekshi halyqaralyq uiymdardyń qatysýymen Konsortsiým arqyly iske asyrylady. Zertteý úsh jyldyq kezeńmen ótkiziledi. Árbir kezeńde basym bir baǵyty anyqtalady.
