«Nur Otan» partiiasynan Májilis depýtattarynyń tizimine engen mańǵystaýlyq Edil Jańbyrshin tómengi palatanyń quramyna bailanysty pikir bildirdi, dep habarlaidy QazAqparat.
«Parlament Májilisiniń 7-shi jańa shaqyrylymy áli jumysyn bastaǵan joq, sondyqtan onyń kásibiligin baǵalaý áli erterek bolar. Degenmen aita ketetin jait, bizdiń partiia tarapynan usynylǵan azamattar densaýlyq saqtaý jáne bilim mekemelerinde, memlekettik qyzmette, úkimettik emes uiymdarda, BAQ-da, óndiriste, aýyl sharýashylyǵynda, bizneste jáne basqa da salalarda qyzmet jasaǵan kásibi jaǵynan biliktiligi joǵary, tájiribeli mamandar. «Nur Otan» partiiasynyń depýtattyq korpýsynyń ishine Májilistiń 6-shy shaqyrylymynyń depýtattary da kirgen jáne oǵan birneshe ǵylym doktorlary men kandidattaryn qosyńyz. Jalpy aitqanda, jańarǵan Parlament Májilisiniń kásibi deńgeide jumys jasaýyna tolyq múmkindik bar», - dedi Edil Jańbyrshin.
Onyń aitýynsha, partiia ózin modernizatsiialaýdy qolǵa alyp, jańa baǵyttaǵy jumystardy bastap ketti.
«Birinshiden, partiia Táýelsizdik alǵan jyldarda eldegi turaqtylyq pen beibitshilikti qamtamasyz etti. Ekinshiden, elde josparly ekonomikadan, naryqtyq ekonomikaǵa ótý úshin biraz reformalardy iske asyrdy. Sonyń arqasynda Qazaqstan shikizat óndiretin elden, indýstrialdy ekonomikasy bar elge aiaq basty. Jańa zamanaýi tehnologiialarmen jabdyqtalǵan óndiris oshaqtary jáne turaqty jumys oryndary ashylyp jatyr.Úshinshiden, adami kapitaldy damytýǵa aitarlyqtai múmkindikter jasady. Tórtinshi, energoresýrstardy jáne bailanys kommýnikatsiialaryn eldi mekenderge jetkizý úshin infraqurylymdy damytty, sondai-aq turǵyn úi máselesin sheshýdi iske asyrýda.
Besinshi, áleýmettik jaǵdailary tómen otbasylar men múmkindigi shekteýli azamattarǵa qajetti kómek kórsetýde. Altynshy, halyqqa azyq-túlik pen turmystyq buiymdardyń qoljetilimdiligin qamtamasyz etti. Jetinshi, partiia ózin modernizatsiialaýdy qolǵa alyp, jańa baǵyttaǵy jumystardy bastap ketti. Oǵan bir mysal,partiiaishilik praimeriz arqyly el arasynan bedeldi azamattardy tańdap, Májilis pen barlyq deńgeidegi máslihattarǵa úmitkerlerdi usyndy. Partiiamyzdyń tizimimen Parlamenttiń tómengi palatasyna engen 76 depýtattyń 36-sy praimeriz arqyly óńirlerde jeńip shyqqan azamattar, - dedi ol.
