Belgili aqyn, jýrnalist Janarbek Áshimjan «Qazaq ádebieti» gazetiniń bas redaktory bolyp taǵaiyndaldy, dep habarlaidy "Ult aqparat".
Sonymen qatar ol Qazaqstan Jazýshylar odaǵy basqarma tóraǵasynyń orynbasary, «Qalamger – media» ortalyǵynyń direktory qyzmetin qosa atqarady.
«Qazaq jýrnalistikasyna sińirgen eńbegi úshin» tós belgisimen marapattalǵan Janarbek Áshimjan «Shabyt» halyqaralyq festivali Poeziia bóliminiń Gran-pri iegeri, «Daryn» jastar syilyǵynyń laýreaty.
Odan bólek, «Turan Álem Banki» uiymdastyrǵan respýblikalyq jyr báigesiniń, «Bir óleń — bir álem» atty halyqaralyq jyr músháirasynyń bas júldegeri;
Túrkistan qalasynda ótken Ómirbai Sáýirbaevqa arnalǵan respýblikalyq jyr músháirasynyń I oryn júldegeri;
Qazaqstan Jazýshylar odaǵy janyndaǵy respýblikalyq jas qalamgerler keńesiniń tóraǵasy;
Óleńderi 2004 jyly «Ólke» baspasynan jaryq kórgen «Jas aqyndar antologiiasyna» engen.
«Almaty aqshamy», «Jas Alash», «Jas qazaq» basylymdarynda qyzmet atqarǵan Janarbek Áshimjan «Qazaq ádebieti» gazetin de jańa belesterge bastaitynyna senemiz.
Osy oraida, Ult portaly eldiń bas ádebi gazetiniń tizginin ustaǵan aqyndy erekshe yqylaspen quttyqtai otyryp, aldaǵy jumystaryna sáttilik tileidi.
