Janar Jarylǵasova Energetika ministrligi apparatynyń basshysy boldy, - dep habarlaidy "Ult aqparat" Primeminister.kz saityna silteme jasap.
"QR energetika ministriniń buiryǵy boiynsha, Janar Shaiqyqyzy Jarylǵasova Qazaqstan Respýblikasy Energetika ministrligi apparatynyń basshysy laýazymyna taǵaiyndaldy", - delingen habarlamada.
Janar Jarylǵasova 1973 jyly Jambyl qalasynda dúniege kelgen. Esenov atyndaǵy Aqtaý politehnikalyq ýniversitetin, Turar Rysqulov atyndaǵy Qazaq ekonomikalyq ýniversitetin, Qazaq gýmanitarlyq zań ýniversitetin, QR Prezidenti janyndaǵy Memlekettik basqarý akademiiasyn, Ulttyq basqarý mektebin (Frantsiia) bitirgen.
Eńbek jolyn 1996 jyly Qanysh Sátpaev atyndaǵy QazUTÝ-dyń "Otyn jáne kómirsýtekti metaldardyń himiialyq tehnologiiasy" kafedrasynyń jetekshi injeneri qyzmetinen bastaǵan.
2000-2008 jyldary Energetika jáne mineraldyq resýrstar ministrliginiń qurylymynda jumys istegen.
2008-2010 jyldary - QR Indýstriia jáne jańa tehnologiialar ministrliginiń Memlekettik jáne energetikalyq qadaǵalaý komitetiniń litsenziialaý, litsenziialyq baqylaý jáne zańdyq qamtamasyz etý basqarmasynyń bas sarapshysy.
2010-2014 jyldary - QR Munai jáne gaz ministrliginiń basqarmalarynda túrli laýazymdardy atqarǵan.
2014-2020 jyldary - QR Energetika ministrliginiń qurylymynda basshylyq laýazymdarda jumys istegen.
2020 jylǵy qańtardan bastap qazirgi ýaqytqa deiin QR Prezidenti Ákimshiliginiń áleýmettik-ekonomikalyq monitoring bóliminiń sektor meńgerýshisi qyzmetin atqarǵan.
