© Photo: Press-slýjba Qazaq oil
Óńirlik shtabtar janar-jaǵarmaidyń jasandy tapshylyǵyn boldyrmaý úshin munai bazalaryna tekseris júrgizedi, dep habarlaidy "Ult aqparat" Energetika ministrliginiń baspasóz qyzmetine silteme jasap.
Bul másele búgin Premer-ministrdiń birinshi orynbasary Roman Skliardyń tóraǵalyǵymen ótken janar-jaǵarmai (JJM) naryǵyndaǵy ahýalǵa qatysty keńeste talqylanǵan.
Vedomstvo málimetinshe, el boiynsha dizel otynynyń jiyntyq qory 308,56 myń tonnany quraidy, bul 2023 jylǵy 1 qańtardaǵy qormen salystyrǵanda 59 myń tonnaǵa artyq.
"Sonymen qatar keibir óńirlerdegi jekelegen janarmai quiý stantsiialarynda dizel otynyn satýǵa shekteý engizilgeni baiqalyp otyr.
Osyǵan bailanysty JJM ishki naryǵyn qamtamasyz etý úshin:
- Óńirlik shtabtarǵa, atap aitqanda, jergilikti atqarýshy organdarǵa, básekelestikti qorǵaý jáne damytý departamentterine, memlekettik kirister departamentterine, ekonomikalyq tergeý departamentterine, tabiǵi monopoliialardy retteý departamentterine janar-jaǵarmaidyń jasandy tapshylyǵyn týdyrmaý maqsatynda munai bazalaryn komissiialyq tekserý jóninde sharalar qabyldaý;
- Zańbuzýshylyq faktileri bolǵan jaǵdaida tiisti memlekettik organdarǵa naryq sýbektileriniń básekelestikke qarsy nemese dominantty áreketteri boiynsha tergeý júrgizý tapsyryldy" , - dep atap ótti ministrliktiń baspasóz qyzmeti ókilderi.
