Kommýnaldyq qyzmet salasyna qatytysty shekteýli tarifti engizý máselesi qaralyp otyr. Bul týraly Senatta «Halyqtyń tabysyn arttyrýdyń 2025 jylǵa deiingi baǵdarlamasy» keshendi josparyn iske asyrýdy talqylaý kezinde Premer-Ministriń orynbasary Eraly Toǵjanov málim etti, dep habarlaidy QazAqparat.
Senator Murat Baqtiiaruly jyl basynda Prezident tapsyrmasyna sáikes jarty jylǵa janar-jaǵarmai baǵasynyń limitine, kommýnaldyq qyzmet aqysyna bailanysty arnaiy sheshimder qabyldanǵanyn aita kele, osy jyldyń ekinshi jartysynda bul baǵyttaǵy baǵany qalyptystyrý qalai júzege asyrylatynyn surady.
Óz kezeginde Toǵjanov janar-jaǵarmaiǵa qatysty qoiylyp otyrǵan suraqtar óte oryndy ekenin, osy oraida 6 aiǵa belgilengen kezeń aiaqtalýǵa jaqyndaǵanyn eske saldy.
«Janar-jaǵarmaiǵa bailanysty toqtalsaq, onyń ishinde AI-92/93 benzini men dizel otyny bar. Osy oraida 6 ai ótkennen keiin ary qarai jalǵastyrý (memlekettik retteý) máselesin talqylap jatyrmyz. Kommýnaldyq qyzmet salasyna qatysty aitatyn bolsaq, jarty jyl merzim ótkennen keiin shekteýli tarifti engizý máselesi de qaralyp otyr. Bul – qoǵamnyń qatysýymen aimaqtarda naqty talqylanyp, sheshim qabyldanatyn úlken taqyryptar», - dedi Eraly Toǵjanov.
Budan buryn habarlanǵandai, biyl qańtar aiynyń basynda Prezident Qasym-Jomart Toqaev munai ónimderiniń baǵasyn memlekettik retteý boiynsha tapsyrma berdi.
Osy oraida munai ónimderiniń (benzin, dizel, suiytylǵan gaz) baǵasyna memlekettik retteýdi 180 kúnge engizý, halyq úshin 180 kúnge kommýnaldyq tarifterdi kóterýge moratorii engizý qajettigin qarastyrý eskerilgen.
Sonymen qatar Memleket basshysy janar-jaǵarmai baǵasyna qatysty pikir bildirdi.
«Osy kezeńde Bas prokýratýra Básekelestikti qorǵaý jáne damý agenttigimen, sondai-aq Energetika ministrligimen birlesip, osy saladaǵy jumystardy retke keltirýge, ony reformalaý úshin keshendi usynystar ázirleýge tiis. Eger bul jumys bir jolǵa qoiylmasa, janar-jaǵarmai baǵasyn retteý júiesi saqtalady», - dedi Prezident.
