Qazaqstan alǵash ret «Eurovision-2017» án dodasyna qatysýy múmkin, dep habarlaidy Today.kz avstraliialyq ESCDaily mýzykalyq konkýrsynyń resmi saityna silteme jasap.
Uiymdastyrýshylardyń aitýynsha, álemde baiqaýǵa qatysty kóptegen sybys taralyp ketken. Sol sebepti shyndyqqa janasady degen tórt boljamdy atap kórsetýge sheshim qabyldanǵan eken. Shyndyq reitingisiniń ekinshi ornyna qazaqstandyq ártisterdiń alǵash ret «Eurovision-2017» dodasyna qatysý múmkindigi týraly habar ornalasqan.
«2016 jyldyń 1 qańtarynda Qazaqstandaǵy ulttyq habar taratýshy kompaniialardyń biri EVS-diń múshesi bolý quqyǵyn aldy. Mundai mártebege, mysaly, avstraliialyq SBS TV telearnasy ie bolyp otyr. «Habar» agenttigi atalǵan baiqaýda el namysyn qorǵai alatyn ártisterdi birneshe jyl boiy izdestirgen bolatyn. Al qazaqstandyq BAQ pen ánshilerdiń tyńdarmandary mýzykalyq baiqaýǵa qatysýǵa negizgi úmitkerler retinde Janar Duǵalova, Dimash Qudaibergen jáne «A`Stýdio» toby qarastyrylyp otyr degen sybys taratty. Alaida, EVS men baiqaý basshylary aqparatty rastamaǵan. Bul másele ashyq kúiinde qalyp otyr», - delingen málimdemede.
Shyndyqqa jaqyn degen qaýesetterdiń arasynda ánshi Elena Paparizýdyń Grekiiaǵa oralatyny, sondai-aq, O’G3NE Niderlandynyń atynan, al daniialyq Emmili de Forest Ulybritaniianyń atynan óner kórsetetini atalyp ótken.
Esterińizge sala keteiik, 9 qyrkúiekte Ýkrainanyń Ulttyq telearnasynyń basshysy Zýrab Alasaniia «Eurovision-2017» halyqaralyq án baiqaýy Kievtiń halyqaralyq kórme ortalyǵynda ótetinin habarlady. Dástúr boiynsha, «Eurovision» mamyr aiynyń orta tusynda ótedi – naqty kúni konkýrs ótkizilerden birneshe ai buryn jariialanady.
