Foto: sk.kz
Energetika ministri Almasadam Sátqaliev jańaózendik jumyssyz turǵyndardyń jaǵdaiy boiynsha qandai kelisimder jasalǵany týraly aitty, - dep habarlaidy Tengrinews.kz saity.
Úkimet kýlýarynda jýrnalister ministrden jumyssyz qalǵan burynǵy munaishylardy jumysqa ornalastyrý máselesi sheshildi me degen saýal qoidy.
"Jumys jalǵasyp jatyr, qurylys uiymdary men merdiger uiym ókilderiniń talaptary - "QazMunaiGaz" uzaq merzimdi tender ótkizý rejimine kóshti. Iaǵni, endi bul merdigerlik jumystar úsh jáne odan da kóp jyl merzimge – qurylys kompaniialarynyń jumysshylary úshin belgili bir turaqtylyqty qamtamasyz etetin konkýrs ótkiziledi. Sondai-aq, olarmen osy kezeńge orta merzimdi kelisimsharttar jasalady dep kútiledi. Meniń bilýimshe, baiqaýdy ótkizý aiasynda qatysýshylar óz qyzmetkerleriniń eńbekaqy qoryn konkýrsta jeńiske jetý úshin paidalana almaityndai etip, jalaqy dep atalatyn tarifterdi kóterý jáne olardy bir deńgeide bekitý bóliginde jetkilikti úlken jumys júrgizildi", - dedi Energetika ministri jýrnalisterdiń suraqtaryna jaýap bere otyryp.
Sátqalievtiń aitýynsha, qazirgi ýaqytta "Ózenmunaigaz", "QazMunaiGaz" jáne jergilikti atqarýshy organdar sala ókilderimen dialogty jalǵastyryp jatyr.
