28 jeltoqsan kúni Jańaózennen soltústikke qarai alty shaqyrym jerde ornalasqan "Ózenmunaigaz" AQ-nyń MGÓB-3 (munai gaz óndirý basqarmasy) kásiporny aýmaǵynda munai qubyry ornalasqan jerge jaqyn munai ónimderi órtendi, - dep habarlaidy "Lada" basylymy.
Mańǵystaý oblysynyń TJD órt sóndirý jáne apat-qutqarý qyzmetiniń baspasóz ortalyǵy ókilderiniń málimeti boiynsha, oqiǵa saldarynan zardap shekkender joq.
Kezekshi pýltine habarlama jergilikti ýaqytpen saǵat 04:21-de túsken. "№ 61 qurylǵy mańyndaǵy № 4412 uńǵymasynyń janynda tógilgen munai ónimderiniń órtengeni týraly habarlama tústi. Ol MGÓB-3 mekemesine tiesili. Atalaǵan oryn Jańaózen qalasynan soltústikke qarai alty shaqyrym jerde. 04:55-te órt aýyzdyqtaldy, al 05:00-de tolyqtai sónidirildi", - deidi vedomstvo ókilderi.
Sonymen qatar, órt shalǵan aýmaqtyń alty sharshy metr ekeni habarlandy. Kelgen shyǵyn men órt sebebin kezekshi tergeýshi anyqtap jatyr.
