Jańaózende kishkentai qyzǵa azǵyndyq áreketter jasap, tiispek boldy degen kúdikpen er adam ustaldy. Jantúrshigerlik oqiǵa týraly qyzdyń kórshileri málimdedi, - dep habarlaidy Tengrinews.kz agenttigi inAktau.kz basylymyna silteme jasap.
Áieldiń aitýynsha, er adam úshinshi shaǵynaýdanda ustalǵan.
"Ol aýlada oinap júrgen tórt-bes jasar kishkentai qyzdy azǵyryp páterine alyp ketken. Kúdikti ekinshi qabatta, al qyz otbasymen tórtinshi qabatta turady. Qyzdy alyp bara jatqanyn aýladaǵy balalar kórgen.
Anasy qyzyn izdep dalaǵa shyqqanda tappaǵan. Atyn atap izdei bastaǵanda balalar ony er adam páterine alyp ketkenin aitady. Ol sol páterge júgirip baryp, esikten qyzynyń aiǵailap, jylap jatqanyn estidi. Esikti qaǵyp, úige kirgende er adam tek tek shalbaryn sheship, qyzdy sheshindirip úlgeripti. Zorlaýǵa jetpepti.
Bul adam buǵan deiin de pedofiliia degen kúdikpen bir ret ustalǵan eken. Biraq oǵan qarsy dálelder jetkiliksiz bolyp qamalmapty", – deidi qala turǵyny.
Jańaózen qalasynyń prokýratýrasy men Mańǵystaý oblysynyń Politsiia departamenti málimetinshe, oqiǵa 18 qyrkúiekte bolǵan.
"Saǵat 12:30-da Jańaózen qalasy politsiia basqarmasynyń 102 jedel bailanys jelisine belgisiz er adamnyń kishkentai qyzǵa tiiskeli jatqany týraly qońyraý kelip tústi. Oqiǵa ornyna jedel-tergeý toby birden attandy. Oqiǵa ornynan 47 jastaǵy kúdikti ustaldy", - delingen habarlamada.
Atalǵan derek QR Qylmystyq kodeksiniń 121-baby (Seksýaldy sipattaǵy zorlyq-zombylyq áreketteri) boiynsha Jańaózen qalalyq politsiia basqarmasynyń sotqa deiingi tergeýdiń biryńǵai tizilimine tirkeldi. Kúdikti ýaqytsha ustaý izoliatoryna qamaldy.
