videodan alynǵan kadr
Búgin Jańaózen qalasynda joldy jaýyp tastaǵan bir top adam politsiiaǵa jetkizildi, dep habarlaidy "Ult aqparat" Mańǵystaý oblysy PD baspasóz qyzmetine silteme jasap.
Resmi málimetke sáikes, 12 sáýir kúni tańerteń Jańaózen qalasynda bir top azamat qala turǵyndarynyń kólik qozǵalysyna kedergi keltirip, joldy jaýyp tastaǵan. Politsiia qyzmetkerleri qoǵamdyq qaýipsizdikti jáne kólik quraldarynyń kedergisiz qozǵalysyn qamtamasyz etý maqsatynda profilaktikalyq áńgime júrgizý úshin olardy Jańaózen qalasy politsiia basqarmasyna jetkizgen.
"Mundai is-áreket QR ÁQBtK-niń 614-baby (Kólik quraldarynyń júrýine kedergi keltirý) boiynsha shara qoldanýǵa jáne ol 10 AEK mólsherinde aiyppul túrinde jaýapkershilikke tartýǵa ákelip soǵady", - deidi tártip saqshylary.
Keiin olar úilerine jiberilgen.
"Buǵan deiin Jańaózende júris bóligin jaýyp tastaǵany úshin ustalǵan 24 adam osyndai zańsyz áreketterge jol bermeý týraly profilaktikalyq áńgime júrgizilgen soń úilerine jiberildi", - delingen PD habarlamasynda.
Aita keteiik, keshe Astanada qalasynda Energetika ministrligi ǵimaratynyń aldynda narazylyq aktsiiasyn ótkizgen munaishylar ustalyp, Jańaózende olardy qoldaǵan myńdaǵan adam ortalyq alańǵa shyqqan edi. Keiin ustalǵan jumysshylar bosatyldy. Al búgin kóbisi poiyzben úilerine jiberildi.
