Jańaózenge keldim. Partiianyń taiaýdaǵy 5 jylǵa arnalǵan qalalyq sailaýaldy baǵdarlamasynyń jobasyn qaradyq. Bul týraly Nur Otan» patriiasy tóraǵasynyń birinshi orynbasary Baýyrjan Baibek óziniń jelidegi paraqshasynda jazdy, dep habarlaidy "Ult aqparat".
«Praimeriz barysynda qala turǵyndarynan 100-den astam usynys tústi, onyń ishinde densaýlyq saqtaý men bilim berý deńgeiin kóterý, kópbalaly jáne turmysy tómen otbasylarǵa qoldaý kórsetý, joldar men aýla alańdaryn salý, aýyz sýmen qamtamasyz etý jáne basqalary bar. Bul máseleler baǵdarlamany jetildirý kezinde kórinis tabatyn bolady.
Qazaq gaz óńdeý zaýytynyń ujymymen kezdesýde kásiporyndy ary qarai jańǵyrtý máselesin talqyladyq. Bul jobany iske asyrý «Nur Otan»-nyń qalalyq sailaýaldy baǵdarlamasyna da engizilgen. Jalpy, turǵyndardy jumyspen qamtý úshin qalada 3 myńnan astam turaqty jumys ornyn ashý josparlanýda», - dedi ol.
Sonymen birge, ol N.Nurgaliev, J.Erǵaziev, N.Allanazarov, Ǵ.Mahambetov jáne A.Tabyldiev syndy azamattardy qabyldap, kótergen máselelerin tyńdaǵany týraly aitty.
«Partiialyq baqylaý komiteti men filial basshylyǵyna árbir ótinishti muqiiat qaraýdy tapsyrdym»,- dedi ol.
Partiianyń Jańaózen qalasy boiynsha sailaýaldy baǵdarlamasynyń jobasymen primaries.kz saitynan tanysýǵa bolady.
.jpeg)