© Sputnik / Tabyldy Kadyrbekov
Jańaózende kámeletke tolmaǵan 14 jastaǵy qyz ákesinen júkti bolyp qaldy. Bala men anasy perinataldyq ortalyqqa túsik jasatý týraly ótinish bildirgen soń kúdikti ustaldy, - dep habarlaidy Tengrinews.kz saity.
Mańǵystaý oblysy IID baspasóz qyzmeti málimetinshe, oqiǵa týraly 14 jasar qyz 24 aqpanda anasymen birge áleýmettik kórsetkishter boiynsha birinshi júktilikti toqtatý maqsatynda Aqtaýdaǵy oblystyq perinataldyq ortalyqtyń dárigerlerine júgingennen keiin belgili bolǵan. Qyzdyń júktilik merzimi - 13-14 apta.
Dárigerler bul týraly qalalyq politsiianyń jedel basqarmasynyń ortalyǵyna habarlaǵan.
Al politseiler kúdiktiniń kim ekenin anyqtap, qamaýǵa alǵan.
"Kúdikti jábirlenýshiniń ákesi ekeni anyqtaldy. Bul derek Jańaózen qalalyq IIB sotaldy tergep-tekserýdiń biryńǵai tizilimine QR Qylmystyq kodeksiniń 120-baby (zorlaý) boiynsha tirkelgen", - deidi vedomstvonyń baspasóz qyzmeti.
Basqa málimetter tergeý múddesi úshin jariialanbaidy.
