«Ult maqtanyshy bizdiń burynǵy ótken batyr babalarymyz, danagói bilerimiz ben jyraýlarymyz ǵana bolmaýǵa tiis. Men búgingi zamandastarymyzdyń jetistikteriniń tarihyna da nazar aýdarýdy usynamyn. Bul ideiany «Qazaqstandaǵy 100 jańa esim» jobasy arqyly iske asyrǵan jón. Elimizdiń Táýelsizdik jylnamasy jazyla bastaǵanyna nebári 25 jyl boldy. Bul tarih turǵysynan qas qaǵym sát desek te, elimiz úshin ǵasyrǵa bergisiz kezeń. Árine, jasalǵan jumystardyń mańyzy men isti atqarǵan, el damýyna zor úles qosqan azamattardyń ózderi men olardyń tabysqa jetý tarihy ádette qurǵaq faktiler men tsifrlardyń tasasynda qalyp qoiady. Shyn máninde, Qazaqstannyń árbir jetistiginiń artynda alýan túrli taǵdyrlar tur», – degen edi Prezident Nursultan Nazarbaev «Bolashaqqa baǵdar: rýhani jańǵyrý» atty maqalasynda.
Bizdiń janymyzda Táýelsizdik dáýirinde týǵan kóptegen kórnekti zamandastarymyz bar.
Olardyń ómirden alynǵan áńgimeleri kez-kelgen statistikadan artyq sendire alady. Biz olardy ózimizdiń teledidarlyq derektendirýdiń keiipkerleri etýge tiispiz. Biz olarǵa elikteýdiń, ómirge degen parasatty jáne aqiqat kózqarastyń úlgisi etýimiz kerek.
Qazirgi qazaqstandyq, ol kim? Tabysqa qol jetkizý úshin, qandai qasietterge ie bolýy kerek? Qiyn jaǵdailarda ol neni basshylyqqa alady? Osy suraqtarǵa «Qazaqstandaǵy 100 jańa esim» jobasy jaýap beredi.
Jobada naqty mamandyqtardyń ieleri, qazirgi Qazaqstannyń damýyna óz úlesin qosqan zamandastarymyzkórsetiletin bolady. Óz kezeginde bul halyqtyń óz kúshine senýinińjáne bolashaqta damýǵa yntalandyrýdyń qainar kózine ainalady.
Sonymen qatar, «100 jańa esim» baǵdarlamasy jas urpaq úshin baǵdarbolady. Jasyna, jynysyna, ultyna jáne dini senimine qaramastan, osy adamdardyń jetistikteriniń tarihy ómirgedegen parasatty jáne aqiqat kózqarastyń prizmasyna ainalady.
Atalmysh baǵdarlamanyń mynadai maqsattary bar:
Qoǵamǵa óz qolymen, aqyly men talantynyń arqasynda zamanaýi Qazaqstandy qalyptastyrýǵa úles qosyp júrgen shynaiy tulǵalardy kórsetý.
Bizdiń kórnekti zamandastarymyzǵa qoldaý kórsetý jáne dáripteý úshin jańa mýltimediialyq aqparattyq alań jasaý.
Jalpy ulttyq ǵana emes, sondai-aq óńirlik «100 jańa esim» jobalaryn jasaý.
Ultymyzdyń altyn qoryn quraityn tulǵalardy bilýge tiispiz.
