«ۇلت ماقتانىشى بٸزدٸڭ بۇرىنعى ٶتكەن باتىر بابالارىمىز, داناگٶي بيلەرٸمٸز بەن جىراۋلارىمىز عانا بولماۋعا تيٸس. مەن بٷگٸنگٸ زامانداستارىمىزدىڭ جەتٸستٸكتەرٸنٸڭ تاريحىنا دا نازار اۋدارۋدى ۇسىنامىن. بۇل يدەيانى «قازاقستانداعى 100 جاڭا ەسٸم» جوباسى ارقىلى ٸسكە اسىرعان جٶن. ەلٸمٸزدٸڭ تەۋەلسٸزدٸك جىلناماسى جازىلا باستاعانىنا نەبەرٸ 25 جىل بولدى. بۇل تاريح تۇرعىسىنان قاس قاعىم سەت دەسەك تە, ەلٸمٸز ٷشٸن عاسىرعا بەرگٸسٸز كەزەڭ. ەرينە, جاسالعان جۇمىستاردىڭ ماڭىزى مەن ٸستٸ اتقارعان, ەل دامۋىنا زور ٷلەس قوسقان ازاماتتاردىڭ ٶزدەرٸ مەن ولاردىڭ تابىسقا جەتۋ تاريحى ەدەتتە قۇرعاق فاكتٸلەر مەن تسيفرلاردىڭ تاساسىندا قالىپ قويادى. شىن مەنٸندە, قازاقستاننىڭ ەربٸر جەتٸستٸگٸنٸڭ ارتىندا الۋان تٷرلٸ تاعدىرلار تۇر», – دەگەن ەدٸ پرەزيدەنت نۇرسۇلتان نازارباەۆ «بولاشاققا باعدار: رۋحاني جاڭعىرۋ» اتتى ماقالاسىندا.
بٸزدٸڭ جانىمىزدا تەۋەلسٸزدٸك دەۋٸرٸندە تۋعان كٶپتەگەن كٶرنەكتٸ زامانداستارىمىز بار.
ولاردىڭ ٶمٸردەن الىنعان ەڭگٸمەلەرٸ كەز-كەلگەن ستاتيستيكادان ارتىق سەندٸرە الادى. بٸز ولاردى ٶزٸمٸزدٸڭ تەلەديدارلىق دەرەكتەندٸرۋدٸڭ كەيٸپكەرلەرٸ ەتۋگە تيٸسپٸز. بٸز ولارعا ەلٸكتەۋدٸڭ, ٶمٸرگە دەگەن پاراساتتى جەنە اقيقات كٶزقاراستىڭ ٷلگٸسٸ ەتۋٸمٸز كەرەك.
قازٸرگٸ قازاقستاندىق, ول كٸم? تابىسقا قول جەتكٸزۋ ٷشٸن, قانداي قاسيەتتەرگە يە بولۋى كەرەك? قيىن جاعدايلاردا ول نەنٸ باسشىلىققا الادى? وسى سۇراقتارعا «قازاقستانداعى 100 جاڭا ەسٸم» جوباسى جاۋاپ بەرەدٸ.
جوبادا ناقتى ماماندىقتاردىڭ يەلەرٸ, قازٸرگٸ قازاقستاننىڭ دامۋىنا ٶز ٷلەسٸن قوسقان زامانداستارىمىزكٶرسەتٸلەتٸن بولادى. ٶز كەزەگٸندە بۇل حالىقتىڭ ٶز كٷشٸنە سەنۋٸنٸڭجەنە بولاشاقتا دامۋعا ىنتالاندىرۋدىڭ قاينار كٶزٸنە اينالادى.
سونىمەن قاتار, «100 جاڭا ەسٸم» باعدارلاماسى جاس ۇرپاق ٷشٸن باعداربولادى. جاسىنا, جىنىسىنا, ۇلتىنا جەنە دٸني سەنٸمٸنە قاراماستان, وسى ادامداردىڭ جەتٸستٸكتەرٸنٸڭ تاريحى ٶمٸرگەدەگەن پاراساتتى جەنە اقيقات كٶزقاراستىڭ پريزماسىنا اينالادى.
اتالمىش باعدارلامانىڭ مىناداي ماقساتتارى بار:
قوعامعا ٶز قولىمەن, اقىلى مەن تالانتىنىڭ ارقاسىندا زاماناۋي قازاقستاندى قالىپتاستىرۋعا ٷلەس قوسىپ جٷرگەن شىنايى تۇلعالاردى كٶرسەتۋ.
بٸزدٸڭ كٶرنەكتٸ زامانداستارىمىزعا قولداۋ كٶرسەتۋ جەنە دەرٸپتەۋ ٷشٸن جاڭا مۋلتيمەدييالىق اقپاراتتىق الاڭ جاساۋ.
جالپى ۇلتتىق عانا ەمەس, سونداي-اق ٶڭٸرلٸك «100 جاڭا ەسٸم» جوبالارىن جاساۋ.
ۇلتىمىزدىڭ التىن قورىن قۇرايتىن تۇلعالاردى بٸلۋگە تيٸسپٸز.
