Jańaqorǵan aýdanynda "Shalqiia Tsink" AQ men "Stroiservis SK" JShS qyzmetkerlerine arnalǵan 63 páterlik 2 kópqabatty qyzmettik turǵynúi paidalanýǵa berildi. Qos turǵynúidiń jalpy kólemi - 3 myń m2.
«Búgingi kúni baspana eldegi eń ózekti máselelerdiń biri ekeni daýsyz. Degenmen, óńirde baspana máselesin sheshýdiń ońtaily joldary qarastyrylyp, túrli baiypty baǵdarlamalar qolǵa alynyp, júzege asýda. Máselen, halyqtyń áleýmettik jaǵynan osal toptaryn qoljetimdi baspanamen qamtamasyz etý maqsatynda oblysta arnaiy «Orda» turǵynúi qurylysynyń «Jol kartasy» ázirlenip, oblystyq biýdjetten jyl saiyn qajetti qarjy bólý týraly sheshim qabyldandy. Ony iske asyrýǵa 3,5 mlrd. teńge qarastyryldy. Bul baǵdarlamanyń múmkindikterin apatty úiler men jataqhanalarda turǵan turǵyndar paidalanyp úlgerdi Osylaisha, "Orda" baǵdarlamasy Elbasy bastamasynyń júzege asýynyń naqty kórinisi", - dedi aimaq basshysy.
Qonys toi ieleri de óz qýanyshtaryn jetkizdi.
"Eń aldymen, Memleket basshysy men oblys basshylyǵyna úlken alǵysymdy bildiremin. Jeke turǵyn úi alý kez kelgen adam úshin úlken qýanysh dep oilaimyn. Buǵan deiin biz ata - anamyzben birge turdyq, búgin jańa eki bólmeli barlyq jaǵdaiy jasalǵan jaily páterge ie bolyp otyrmyz", - dedi "Shalqiia Tsink" AQ qyzmetkeri Rýslan Eńsegenov.
