Foto: Orda.kz
Jaqynda Qazaqstan fýtbol quramasynyń bas jattyqtyrýshysy bolyp taǵaiyndalǵan Áli Áliev Astanada alǵashqy baspasóz konferentsiiasyn ótkizdi, dep habarlaidy Ult.kz Orda.kz saityna silteme jasap.
Ol daryndy qazaqstandyq jastarǵa kóbirek nazar aýdaryp, solardy alǵa jyljytýdy kózdeitinin aitty. Qurama agressivti oiyn úlgisin kórsetýdi maqsat etedi.
«Bizdiń quramda qarsylasyna yńǵaisyzdyq týdyratyn orta qalyptastyra alatyn, júgirip, dopty tartyp alatyn oiynshylar bolýy kerek. Jaqsy nátijege jetýge áleýetimiz bar. Biz kópten óz kezegin kútip júrgen jastardy quramǵa qosamyz. Olardyń qarsylastar aldynda psihologiialyq turǵyda qalai tótep beretinine nazar aýdaramyz.
Biz agressivti fýtboldy qoldaimyz. Bul qarsylastyń oiyn úlgisin buzatyn ári ózimizdiń taktikamyzdy qabyldaýǵa májbúr etetin stil. Qarsylastar Qazaqstan quramasy ózindik algoritmderi bar myqty komanda ekenin túsinetin bolady», – dedi jańa jattyqtyrýshy.
Sonymen qatar, ol Qazaqstan quramasynyń 2026 jylǵy Álem chempionatyna qatysý múmkindikterin de baǵalady. Qazaqstannyń qarsylastary aitarlyqtai myqty, biraq jattyqtyrýshy fýtbolshylardyń tek qolaisyz jaǵdaida óse alatynyn atap ótti. Álsiz komandalardy jeńýdiń máni joq ekenin aitty.
