فوتو: Orda.kz
جاقىندا قازاقستان فۋتبول قۇراماسىنىڭ باس جاتتىقتىرۋشىسى بولىپ تاعايىندالعان ەلي ەليەۆ استانادا العاشقى باسپاسٶز كونفەرەنتسيياسىن ٶتكٸزدٸ, دەپ حابارلايدى Ult.kz Orda.kz سايتىنا سٸلتەمە جاساپ.
ول دارىندى قازاقستاندىق جاستارعا كٶبٸرەك نازار اۋدارىپ, سولاردى العا جىلجىتۋدى كٶزدەيتٸنٸن ايتتى. قۇراما اگرەسسيۆتٸ ويىن ٷلگٸسٸن كٶرسەتۋدٸ ماقسات ەتەدٸ.
«بٸزدٸڭ قۇرامدا قارسىلاسىنا ىڭعايسىزدىق تۋدىراتىن ورتا قالىپتاستىرا الاتىن, جٷگٸرٸپ, دوپتى تارتىپ الاتىن ويىنشىلار بولۋى كەرەك. جاقسى نەتيجەگە جەتۋگە ەلەۋەتٸمٸز بار. بٸز كٶپتەن ٶز كەزەگٸن كٷتٸپ جٷرگەن جاستاردى قۇرامعا قوسامىز. ولاردىڭ قارسىلاستار الدىندا پسيحولوگييالىق تۇرعىدا قالاي تٶتەپ بەرەتٸنٸنە نازار اۋدارامىز.
بٸز اگرەسسيۆتٸ فۋتبولدى قولدايمىز. بۇل قارسىلاستىڭ ويىن ٷلگٸسٸن بۇزاتىن ەرٸ ٶزٸمٸزدٸڭ تاكتيكامىزدى قابىلداۋعا مەجبٷر ەتەتٸن ستيل. قارسىلاستار قازاقستان قۇراماسى ٶزٸندٸك الگوريتمدەرٸ بار مىقتى كوماندا ەكەنٸن تٷسٸنەتٸن بولادى», – دەدٸ جاڭا جاتتىقتىرۋشى.
سونىمەن قاتار, ول قازاقستان قۇراماسىنىڭ 2026 جىلعى ەلەم چەمپيوناتىنا قاتىسۋ مٷمكٸندٸكتەرٸن دە باعالادى. قازاقستاننىڭ قارسىلاستارى ايتارلىقتاي مىقتى, بٸراق جاتتىقتىرۋشى فۋتبولشىلاردىڭ تەك قولايسىز جاعدايدا ٶسە الاتىنىن اتاپ ٶتتٸ. ەلسٸز كوماندالاردى جەڭۋدٸڭ مەنٸ جوق ەكەنٸن ايتتى.
