Tuńǵysh ret qurylǵan Jastar keńesinde jańa taǵaiyndaýlar boldy. Bul týraly QR MSM baspasóz qyzmeti habarlady.
Qazaqstan Respýblikasy Mádeniet jáne sport ministri, Jastar Keńesiniń Tóraǵasy Arystanbek Muhamediulynyń 2 mamyrdaǵy buiryǵymen Jastar Keńesiniń tóraǵasy Aqberen Elgezek, al Keńestiń hatshysy bolyp Qazaqstan jazýshylar odaǵynyń Astana qalalyq filialy direktory Baýyrjan Qaraǵyzuly bekitildi.
Esterińizge sala ketsek, ulttyq ádebietimizdi jáne aqyndyq ónerdi qoldaý men nasihattaý maqsatynda Qazaqstan Respýblikasy Mádeniet jáne sport ministrligi janynan Jastar keńesi qurylǵan bolatyn.
Jastar keńesi – óner jáne ádebiet salasynda ádistemelik-saraptamalyq jumysty júzege asyrý úshin qurylǵan konsýltativtik-keńestik uiym.
Keńestiń negizgi mindetteri: jastarǵa qatysty keshendi ádebiet jáne óner salalarynyń basym baǵyttaryn anyqtaý, ony qalyptastyrý jáne iske asyrý; jeke jáne zańdy tulǵalarmen, shyǵarmashylyq odaqtar, assotsiatsialar jáne taǵy basqa qoǵamdyq mańyzy uiymdarmen birlese otyryp jumys júrgizý; jastardyń túrli zamanaýi forýmdarǵa, konferentsiialarǵa, jiyndarǵa qatysý jáne Ministrliktiń sheshimderin talqylaý men qabyldaý kezinde jurtshylyqtyń pikirin eskere otyryp jumys jasaý, memlekettik jáne úkimettik baǵdarlamalardyń jobalaryn jáne taǵy basqada jastarǵa qatysty ózge de mańyzdy suraqtaryn talqylaý; shyǵarmashylyq qairatkerlermen jumys barysynda týyndaǵan máselelerdi sheshýde ortalyq jáne jergilikti atqarýshy organdarǵa konsýltativtik kómek kórsetedi.
