Foto: Pexels.com
Biylǵy jyldyń mamyr aiynda QR Kólik jáne Ishki ister ministlikterimen jáne «InDriver», «Iandeks» taksi qosymshalarynyń basshylyǵy arasynda ózara Memorandým jasalǵan bolatyn. Osy memorandýmǵa sáikes 2025 jyldyń 1 qańtarynan bastap «InDriver» taksi qosymshasyna basqa memlekette tirkelgen, basqarý qurylǵylary oń jaqta ornalasqan jáne QR Zańnamasyn jii buzatyn avtokólikterge tirkelýge shekteý qoiylady, dep habarlaidy Kazinform HAA.
"Munyń sebebi sońǵy kezderi júrgizýshiniń tynyǵý rejiminiń buzylýy, reis aldynda meditsinalyq jáne mehanikalyq tekserýden ótpeýi, mindetti saqtandyrýsyz jolaýshylar tasymaldaýy saldarynan jol apaty kóbeidi. Olardyń eleýli bóligi «InDriver», «Iandeks» taksi júrgizýshilerimen oryn alýda. Elimizde «InDriver», «Iandeks» taksi baǵdarlamasyn mobildi qosymshaǵa tirkeý arqyly qanshama kólik jolaýshylar tasymaldaýda. Alaida ol azamattar QR Ulttyq standartyndaǵy taksi tasymaldaýshylaryna jáne qyzmet kórsetetin taksi avtokólikterine qoiylatyn talaptaryna sáikes kelmeitin avtokóliktermen jolaýshylar tasymaldaýda", - deidi bul jóninde Jambyl oblysy ákiminiń orynbasary Qanatbek Mádibek.
Naqtyraq aitsaq, jergilikti atqarýshy organǵa taksi qyzmetin bastaǵany jóninde habarlama joldamai, basqarý qurylǵylary oń jaqta ornalasqan, paidalaný merzimi 15 jyldan asatyn jáne avtokólik júrisi 500 myń shaqyrymnan asatyn, tipti basqa memlekette tirkelgen avtokóliktermen jolaýshylar tasymaldanýda.
Osy rette Jambyl oblysynda 14 reidtik jumystary uiymdastyrylyp, 128 avtokólik tekserildi. Nátijesinde 385 hattama toltyrylyp, 3,5 mln. teńge aiyppul salyndy.
Aita ketsek, biz buǵan deiin elimizde jol apaty 90 paiyzǵa kóbeigenin jazǵan bolatynbyz.
