Benzinniń bir litriniń aktsizi 2020 jyldyń 1 qańtarynan bastap 10 teńgege kóteriledi. Bul týraly Ulttyq ekonomika ministrligi habarlady.
"Aktsizderdiń ósýine qatysty aitar bolsaq, búgingi kúni qaýly jobasy ázirlenip jatyr, bir litrdiń aktsiz qunyna qosymsha 10 teńge qosylady dep josparlanýda", - dedi ministr Rýslan Dálenov dúisenbide Senat otyrysynda.
Ol baǵanyń azdap ósetinin aitty. Esepteýler jaǵdaidyń infliatsiiaǵa nemese shaǵyn jáne orta biznes óndirisiniń ózindik qunyna aitarlyqtai áser etpeitindigin kórsetýde, dep atap ótti Dálenov.
"Búgingi kúni aktsizdiń eń kóp úlesi munai óńdeitin jáne satatyn kompaniialardyń shyǵyndary men paidasynan turady", - dep tolyqtyrdy ol.
Ulttyq ekonomika ministrliginiń baspasóz qyzmeti jańashyldyqty 2020 jyldyń 1 qańtarynan bastap engizý josparlanyp otyrǵanyn málimdedi.
