Foto: Mir24.tv / Irina Fomochkina
«Astana Opera» memlekettik opera jáne balet teatrynda (Qonaev k-si, 1) Qazaqstan Respýblikasy Prezidentiniń atynan «Jańa jyl respýblika tórinde» atty respýblikalyq shyrsha ótedi.
Jańa jyldyq merekege elimizdiń barlyq óńirinen 8 ben 12 jas aralyǵyndaǵy 100-den astam mektep oqýshysy shaqyryldy. Olar - oqýda, sondai-aq, shyǵarmashylyq, intellektýaldyq jáne sporttyq saiystarda jetistikterimen úzdik shyqqan balalar.
Shyrsha saltanatyna qatysýshylardyń ishinde on jasar Malika Muhamedjanova da bar. Soltústik Qazaqstan oblysy Aqqaiyń aýdany Smirnovo aýylyndaǵy №2 mektep-gimnaziiasynyń oqýshysy bul shara úshin arnaiy óz qolymen 100 tiri raýshan gúlinen sándi kóilek tigipti.
Saltanatty sharaǵa Qazaqstan Respýblikasynyń Oqý-aǵartý ministri Ǵani Beisembaev qatysady.
Elordanyń úzdik shyǵarmashylyq ujymdarynyń 400-den astam ártisteri men «Astana Opera» memlekettik opera jáne balet teatrynyń solisteri balalarǵa jańa jyldyq qoiylymdaryn usynady. Sondai-aq belgili qazaqstandyq ártister Marjan Arapbaeva, Qaraqat Ábildina, Erjan Maksim án shyrqap, balalar shyrshany ainalady.
Umytylmas merekege qatysýshylardyń barlyǵyna Prezidenttiń quttyqtaýy men baǵaly syilyqtary bar jańa jyldyq tilekhat tabystalady.
Aita ketý kerek, Elordanyń kishkentai qonaqtary úshin 27-29 jeltoqsan aralyǵynda úsh kún boiy qalanyń eń kórikti jerlerine ekskýrsiia uiymdastyryldy.
