QR Densaýlyq saqtaý ministri Aleksei Tsoi Pfizer Jańa jyl keshin toilaý qanshalyqty qaýipsiz ekeni týraly pikir bildirdi, dep habarlaidy QazAqparat.
«Bul ár aimaqtaǵy epidahýalǵa bailanysty. Tiisti óńirdiń bas sanitar dárigeri qandai shekteý túrlerin nemese aldyn alý sharalaryn qabyldaý kerektigin anyqtaidy. Sondyqtan tikelei Almatyda nemese Qazaqstannyń basqa da oblystarynda qandai talaptar qoiylatynyn anyqtaý kerek», - dedi Densaýlyq saqtaý ministri BAQ ókilderine bergen suhbatynda.
Onyń paiymynsha, biyl Jańa jyl merekesin otbasynda ǵana toilaý oryndy bolmaq.
«Biz Jańa jyl merekesin toilaý otbasy aiasynda ǵana ótýi kerek degen keńes beremiz. Jańa jyl ejelden otbasylyq mereke sanalady. Sondyqtan, árine, Jańa jyl keshteriniń aýqymyn shektegen durys. Óitkeni virýs eshqaida ketip qalǵan joq. Ókinishke qarai, virýs taralýyn toqtatqan joq. Aýrý jáne ólim jaǵdailary áli de tirkelip jatyr. Sondyqtan ózimizdi qorǵaý úshin merekeni otbasy aiasynda toilaýymyz kerek», - dedi vedomstvo basshysy.
Sondai-aq, ol Densaýlyq saqtaý ministrliginiń ujymy Jańa jyl keshin ótkizbeitinin aitty.
«Korporativterdi de, aýqymdy merekelik sharalardy da shektegen jón. Onyń óz talaptary bar. Tipti bas qosqan kúnniń ózinde tar aýqymda ótýi kerek. Qazir tipti mektepterdiń jabylyp jatqanyn kórip-bilip otyrsyzdar. Sonyń bárin boldyrmaýdyń jalǵyz joly – vaktsinatsiia. Biz qazir keibir konferentsiialardy qospaǵanda qashyqtan qatynasý múmkindigi bar aýqymdy sharalardyń bárin offlain rejimde ótkizip júrgen joqpyz. Iaǵni, Densaýlyq saqtaý ministrliginde Jańa jyl keshi toilanbaidy», - dedi Aleksei Tsoi.
