Memleket basshysy Qazaqstan halqyna kezekti Joldaýyna bes naqty bastamany atap ótti. Olardy iske asyrý halyqtyń ál-aýqatyn jaqsartýǵa múmkindik beredi. Mundai pikirdi Ulttyq qoǵamdyq senim keńesiniń múshesi Lázzat Qojahmetova bildirdi, dep habarlaidy QazAqparat.
«Qasym – Jomart Toqaev Qazaqstan halqyna úshinshi Joldaýyn arnady. Joldaýda ekonomika men memlekettik sektordy tsifrlandyrý protsesin qaita júkteý mindetteri qoiyldy. Densaýlyq saqtaý men bilimge erekshe kóńil bólindi. Prezident 5 naqty bastamany atap ótti. Olardy iske asyrý halyqtyń ál-aýqatyn jaqsartýǵa múmkindik beredi», - deidi Lázzat Qojahmetova .
Onyń oiynsha, eń tómengi jalaqyny kóterý turmysy tómen toptyń ál-aýqatyna oń áser etedi.
«Tórt jyl ishinde azamattyq qyzmetshilerdiń eńbekaqysyn 20 paiyzǵa arttyrý 600 myń qazaqstandyqqa qatysty bolady. Zeinetaqy jinaǵynyń bir bóligin «Otbasy Banki» shotyna aýdarý turǵyn úi satyp alý isin ońtailandyrady. Sondai-aq eń tómengi jalaqyny kóterý turmysy tómen toptyń ál-aýqatyna oń áser etedi. Bul óte jaqsy»,- deidi Ulttyq qoǵamdyq senim keńesiniń múshesi.
Sonymen qatar, ol Prezident saiasi reformalardyń tórtinshi paketin usynǵanyn atap ótti.
«Buryn tek partiialyq tizimderge qatysty qoldanylatyn depýtattyq mandattardy bólgende áielder men jastar úshin 30 paiyzdyq kvotany zańnamalyq turǵydan bekitý mindeti qoiylǵan. Búgin Memleket basshysy kvotaǵa múmkindigi shekteýli adamdardy engizýdi usyndy. Bul úlken qadam dep oilaimyn. Sonymen qatar, Prezident balalarǵa qarsy jynystyq qylmystardyń jolyn kesýge, qarsy is-qimyl jasaýǵa nazar aýdarýdy tapsyrdy», - deidi ol.
