مەملەكەت باسشىسى قازاقستان حالقىنا كەزەكتٸ جولداۋىنا بەس ناقتى باستامانى اتاپ ٶتتٸ. ولاردى ٸسكە اسىرۋ حالىقتىڭ ەل-اۋقاتىن جاقسارتۋعا مٷمكٸندٸك بەرەدٸ. مۇنداي پٸكٸردٸ ۇلتتىق قوعامدىق سەنٸم كەڭەسٸنٸڭ مٷشەسٸ لەززات قوجاحمەتوۆا بٸلدٸردٸ, دەپ حابارلايدى قازاقپارات.
«قاسىم – جومارت توقاەۆ قازاقستان حالقىنا ٷشٸنشٸ جولداۋىن ارنادى. جولداۋدا ەكونوميكا مەن مەملەكەتتٸك سەكتوردى تسيفرلاندىرۋ پروتسەسٸن قايتا جٷكتەۋ مٸندەتتەرٸ قويىلدى. دەنساۋلىق ساقتاۋ مەن بٸلٸمگە ەرەكشە كٶڭٸل بٶلٸندٸ. پرەزيدەنت 5 ناقتى باستامانى اتاپ ٶتتٸ. ولاردى ٸسكە اسىرۋ حالىقتىڭ ەل-اۋقاتىن جاقسارتۋعا مٷمكٸندٸك بەرەدٸ», - دەيدٸ لەززات قوجاحمەتوۆا .
ونىڭ ويىنشا, ەڭ تٶمەنگٸ جالاقىنى كٶتەرۋ تۇرمىسى تٶمەن توپتىڭ ەل-اۋقاتىنا وڭ ەسەر ەتەدٸ.
«تٶرت جىل ٸشٸندە ازاماتتىق قىزمەتشٸلەردٸڭ ەڭبەكاقىسىن 20 پايىزعا ارتتىرۋ 600 مىڭ قازاقستاندىققا قاتىستى بولادى. زەينەتاقى جيناعىنىڭ بٸر بٶلٸگٸن «وتباسى بانكٸ» شوتىنا اۋدارۋ تۇرعىن ٷي ساتىپ الۋ ٸسٸن وڭتايلاندىرادى. سونداي-اق ەڭ تٶمەنگٸ جالاقىنى كٶتەرۋ تۇرمىسى تٶمەن توپتىڭ ەل-اۋقاتىنا وڭ ەسەر ەتەدٸ. بۇل ٶتە جاقسى»,- دەيدٸ ۇلتتىق قوعامدىق سەنٸم كەڭەسٸنٸڭ مٷشەسٸ.
سونىمەن قاتار, ول پرەزيدەنت ساياسي رەفورمالاردىڭ تٶرتٸنشٸ پاكەتٸن ۇسىنعانىن اتاپ ٶتتٸ.
«بۇرىن تەك پارتييالىق تٸزٸمدەرگە قاتىستى قولدانىلاتىن دەپۋتاتتىق مانداتتاردى بٶلگەندە ەيەلدەر مەن جاستار ٷشٸن 30 پايىزدىق كۆوتانى زاڭنامالىق تۇرعىدان بەكٸتۋ مٸندەتٸ قويىلعان. بٷگٸن مەملەكەت باسشىسى كۆوتاعا مٷمكٸندٸگٸ شەكتەۋلٸ ادامداردى ەنگٸزۋدٸ ۇسىندى. بۇل ٷلكەن قادام دەپ ويلايمىن. سونىمەن قاتار, پرەزيدەنت بالالارعا قارسى جىنىستىق قىلمىستاردىڭ جولىن كەسۋگە, قارسى ٸس-قيمىل جاساۋعا نازار اۋدارۋدى تاپسىردى», - دەيدٸ ول.
