Memleket basshysy Qasym-Jomart Kemeluly Toqaev Parlament palatalarynyń birlesken otyrysynda Qazaqstan halqyna Joldaýyn joldady. Prezident bul Joldaýynda jýyq arada júzege asyrylatyn saiasi reformalardyń jańa baǵdarlamasy men áleýmettik-ekonomikalyq baǵytta atqarylatyn is-sharalar týraly aitty. Memleket Basshysynyń aitýynsha bul reformalar Jańa, Ádiletti Qazaqstandy qurýdaǵy asa mańyzdy qadamdar bolmaq.
Joldaýda kóterilgen basty máseleler – qazaqstandyqtardyń tabysyn arttyrýǵa, áleýmettik jaǵdaiyn jaqsartýǵa, halyqtyń ómir súrýine qolaily orta qurýǵa jáne orta jáne shaǵyn kásipkerlikti odan ári damytýǵa, el ekonomikasyn modernizatsiialaýǵa, eńbek ónimdiligin arttyrýǵa baǵyttalǵan.
Osy oraida, halqymyzdyń turmys-tirshiligine áser etetin tyń bastamalarǵa toqtalyp ótýdi jón sanap otyrmyn.
Memleket basshysy ornyqty ekonomikalyq ósý bolý úshin salyq saiasatynda ózgerister bolatyndyǵyn jetkizdi.
Bul oraida, fiskaldyq retteýdi qaita júkteý maqsatynda 2023 jyly jańa Salyq kodeksi daiyndalatyn bolady. Jańa salyq kodeksi boiynsha kez kelgen betpe-bet ózara is-qimylǵa toqtaý qoiylyp, tolyqtai tsifrlandyrýǵa ótý arqyly salyqtyq baqylaý kúsheitilmek.
Salyq reformasy aiasynda «sán-saltanat salyǵy» engizilip, qymbat jyljymaityn múlik jáne kólik quraldaryn satyp alǵan kezde arnaiy salyq alynbaqshy jáne ol orta tapqa áser etpeidi.
Joldaýǵa sáikes kelesi jyldan bastap elimizdiń aýyl turǵyndarynyń qajettilikterine baǵyttalǵan ulttyq jobany iske asyrý bastaý alyp, eki jyl ishinde meditsinalyq mekemeleri joq 650 aýylda tolyqtai jaraqtandyrylǵan meditsinalyq jáne feldsherlik-akýsherlik pýnktter salynyp, 32 aýdandyq aýrýhana jańǵyrtylatyndyǵyn jetkizdi.
Prezident bala-baqsha tárbieshileriniń biliktiligin arttyrý, sáikesinshe jalaqysyn kóterý aldaǵy mindetterdiń biri ekendigin aityp ótti.
Árine, Joldaýda halyqty tolǵandyyratyn jalaqy máselesi de nazardan tys qalmady. Memleket basshysynyń aitýynsha eń tómengi jalaqy deńgeii 60-tan 70 myń teńgege deiin kóterilmek. Bul 1,8 million azamattyń tabysyna tikelei áser etedi.
Sondai-aq, zeinetaqynyń eń tómengi bazalyq mólsherlemesi eń tómengi kúnkóris deńgeiiniń 70%–na deiin, al eń joǵary mólsherlemesin 120%-ǵa deiin dáiekti túrde jetkizý kózdelgen.
Osy tusta, keń áleýmettik suranysty eskere otyryp, áielder úshin zeinetkerlik jas deńgeii 2028 jylǵa deiin 61 jyl deńgeiinde belgilenetindigin aitty.
Elimizdiń bolashaǵy jastar ekendigi barlyǵymyzǵa málim. Sondyqtan, jastarǵa jan-jaqty qoldaý kórsetý – memleketimizdiń basty mindetiniń biri.
Bul oraida, jastardyń kásipkerlik bastamalaryna qoldaý kórsetilip, olarǵa jeńildetilgen tártippen jyldyq ósimi 2,5 paiyz bolatyn shaǵyn nesie beriletin bolady.
Taǵy bir jaqsy jańalyq, Memleket basshysy balalar jyly aiasynda «Ulttyq qor – balalarǵa» jańa baǵdarlamasy iske qosylatyndyǵyn aitty. Iaǵni, Ulttyq qordyń jyl saiynǵy investitsiialyq tabysynyń 50% - yn balalar 18 jasqa tolǵanǵa deiin olardyń arnaiy jinaqtaýshy shottaryna merziminen buryn alý quqyǵynsyz aýdarylatyn bolady. Jobany 2024 jylǵy 1 qańtardan bastap iske qosý tapsyryldy.
Kámeletke tolǵannan keiin jinaqtalǵan soma turǵyn úi satyp alýǵa jáne bilim alýǵa baǵyttalatyn bolady. Qor shyn máninde halyqtyń múddesine qyzmet etip, jastarǵa úlken ómirge aiaq basýyna serpin bermek.
Sonymen qatar, Prezident yzǵarly qańtar oqiǵasyna da toqtalyp, qańtar oqiǵasyna qatysqan, biraq aýyr qylmys jasamaǵan jáne ótken iske ókinip otyrǵan azamattarǵa keshirimmen qarap, bir rettik raqymshylyq jariialaý týraly sheshim qabyldaǵanyn jetkizdi.
Munyń ózi Prezidentimizdiń kóregendigi men halyqqa jaqyn ekendigin kórsetip otyr.
Jalpy, Joldaýda aitylǵan jumystardy eńserý arqyly memleketimiz óz damýdyń jańa deigeiine kóteriledi dep oilaimyn.
Elimiz qazirgi zamanǵa sai bolý úshin jańasha órleý bastaýynda tur.
Sondyqtan, túrkistandyqtar Prezidentimizdiń bastamalaryn qoldap, Joldaýynda atap kórsetilgen máselelerdi negizge ala otyryp, olardy iske asyrýǵa belsendi qatysyp, oblystyń áleýmettik - ekonomikalyq damýy men saiasi turaqtylyqty qamtamasyz etýge bar kúsh - qairatymyzdy jumsaityn bolamyz!
Q.Balabiev,
Túrkistan oblystyq máslihatynyń hatshysy
