Nazarbaev Ziiatkerlik mektepteri Ybyrai Altynsarinniń mereitoiyna arnalǵan jobany bastaýda.⠀
«Nazarbaev Ziiatkerlik mektepteri» derbes bilim berý uiymynda Ybyrai Altynsarinniń 180 jyldyq mereitoiyna arnalǵan «Jańa jaǵdaidaǵy bilim berý» jobasynjúzege asyrý qolǵa alyndy.⠀
Mereitoilyq baǵdarlamanyń basty jańalyǵy belgili ustazdar tájiribelerimen bólisetin Ybyrai Altynsarinniń pedagogikalyq sheberlik onlain alańynyń ashylýy bolyp otyr. Alǵashqy bop Bilim jáne ǵylym ministrligi «Y.Altynsarin» tósbelgileriniń iegerleri shaqyrylady. Nazarbaev Ziiatkerlik mektepteri júiesinde 80-nen astam adam joǵary pedagogikalyq marapat iegerleri. Olar elordadaǵy fizika-matematika baǵytyndaǵy Ziiatkerlik mekteptiń matematika páni muǵalimi Gúlnar Apeeva, Nur-Sultan qalasyndaǵy Nazarbaev Ziiatkerlik mektebiniń tarih páni muǵalimi Sáýle Ahmetova, Óskemendegi NIS-tiń biologiia páni muǵalimi Tatiana Djejeria, Shymkenttegi himiia-biologiia baǵytyndaǵy Ziiatkerlik mekteptiń aǵylshyn tili pániniń muǵalimi Sholpan Jailaýbekova, Pavlodar qalasyndaǵy Ziiatkerlik mektep direktorynyńoryn basary Irina Babich jáne ózge de muǵalimder.⠀
Kásibi dialog pen kezdesý ornyna ainalatyn NIS-tiń onlain alańyna elimizdegi jalpy bilim beretin mektepterden tájiribeli muǵalimder qosylady dep josparlanýda. ⠀
Qazaqtyń uly pedagoginiń shyǵarmashylyǵy men aǵartýshylyq qyzmetine arnalǵan taqyryptyq simpoziým Nazarbaev Ziiatkerlik mektepteriniń jyl saiynǵy halyqaralyq ǵylymi-praktikalyq konferentsiiasynda ashylmaq. Dástúrli tamyz konferentsiiasyndaǵy tabysty tájiribeler panoramasy da Ybyrai Altynsarinniń mereitoiy sheńberinde ótetin bolady. ⠀
«Dóńgelek ústelder» seriiasy zamanaýi bilim berýdegi basty trendter – eńbek naryǵyndaǵy jańa talaptarǵa, jappai standarttaýdan jappai biregeilikke kóshýge, jasandy intellekt dáýirinde ustazdardyń almaspaityndyǵyna, tabysty bilim berý júiesindegi baǵalaý men ózge de suraqtarǵa arnalady. ⠀
Jańa jaǵdaidaǵy bilim berýdiń missiiasyn anyqtaityn basym baǵyttar boiynsha taldamalyq maqalalar toptamasy ázirlenýde, – balalarǵa igilikti orta qurý, muǵalimderdiń kásibi damýy, beiakademiialyq úlgerim, fýnktsionaldyq saýattylyqty qalyptastyrý, sandyq aborigenderdiń kiberqaýipsizdigi, covidgeneration úshin mega táýekelder. ⠀
Mereitoilyq baǵdarlama aiasynda elimizde úlken qyzyǵýshylyq týdyrǵan «Ulylyqtyń jolynda ustaz turar» jobasy da óz jalǵasyn tabatyn bolady.⠀
Nazarbaev Ziiatkerlik mektepterinde YbyraiAltynsarinniń 180 jyldyǵyna arnalǵan alǵashqy sharalar legi qańtar aiynda bastaý almaq.⠀
