Aqparat jáne qoǵamdyq damý ministri Aida Balaeva halyq aldyndaǵy eseptik kezdesýinde BAQ týraly zańdarǵa engizilgen túzetýler men ózgeristerge toqtaldy, dep habarlaidy QazAqparat.
«Degenmen, biz ómir súrip jatqan aqparattyq ǵasyrdyń óz talaptary bar. Eń bastysy – ýaqyt kóshinen oza jumys isteý. Bul salany damytý máselelerine ǵana emes, týyndaǵan problemalardy kúndelikti sheshýge de qatysty talap. Ózekti jáne jumys isteitin normativtik-quqyqtyq negiz bolmasa, álemdik aqparattyq keńistikten tys qalý qaýpi bar», - degen ministr osy baǵytta qandai zańnamalyq sharalar qabyldanǵanyn atap ótti.
«Birinshiden, 2020 jylǵy 30 jeltoqsanda «Qazaqstan Respýblikasynyń keibir zańnamalyq aktilerine aqparat máseleleri boiynsha ózgerister men tolyqtyrýlar engizý týraly» Zań qabyldandy. Ol memlekettik aqparattyq tapsyrystyń tiimdiligin ǵana emes, sonymen qatar BAQ-tyń kommertsiialyq múmkindikterin de arttyrýǵa jaǵdai jasaidy», - dedi Aida Balaeva.
Vedostvo basshysy alanyń júieli problemalaryn, onyń ishinde «Buqaralyq kommýnikatsiia quraldary týraly» Zańdy jetildirý sharalaryn qamtityn aqparat salasyn damytýdyń 2020-2022 jyldarǵa arnalǵan ulttyq jospar bekitilgenin eske saldy.
«Salanyń kadrlyq áleýetiniń kásibi deńgeiin arttyrý salasynda júieli jumys bastaldy. «2020-2021 jyldarǵa arnalǵan mediasala mamandaryn oqytý jónindegi arnaiy jospar» ázirlendi. Eń aldymen, bul salalyq jýrnalistikaǵa qatysty», - dedi Aqparat jáne qoǵamdyq damý ministri.
