Dúniejúzilik densaýlyq saqtaý uiymy Eýropa óńirlik biýrosynyń basshysy Hans Kliýge koronavirýsqa qarsy qandai sharalar atqarylǵanyn aityp berdi, dep habarlaidy "Ult aqparat".
«Shyn máninde, vaktsina týraly kóp suraq qoiylady jáne osy aptada 11-12 aqpanda DDSU Jenevada ǵylymi zertteýlermen ainalysatyn iri memlekettik jáne jeke múddeli taraptardyń qatysýymen vaktsinany zertteý jáne ázirleý boiynsha keńes ótkizdi. Sebebi áńgime tek vaktsina týraly ǵana emes. Álemde resýrs óte kóp. Árine, vaktsinalar mańyzdy, biraq emdeý isiniń mańyzdylyǵy da odan kem emes. Taǵy bir mańyzdy shara – aýrýdyń aldyn alý. Barlyq kúsh-jigerdi osy úsh mańyzdy baǵyt tóńireginde úilestirý qajet», - dedi Hans Kliýge elordada QR DSM men DDSU yntymaqtastyǵy týraly baspasóz máslihatynda.
Onyń aitýynsha, ádette vaktsinalardy qoldaný úshin úsh-tórt ai synaqtan ótkizý qajet.
«Mundai vaktsinalardy qazirgi koronavirýstarǵa qarsy qoldanýǵa bola ma, joq pa, sony anyqtaimyz. Máselen, atiptik pnevmoniia, Taiaý Shyǵys sindromy bar. Osyndai virýstarǵa qanshalyqty paidaly bolady? (...) Qazir búkil álem ǵalymdary koronavirýsqa qarsy vaktsina ázirleýge tyrysýda.
Baǵasy týraly aitýǵa áli erte, biraq donor-elder bul protseske belsendi qatysýda. Biz barlyq aqshanyń tek vaktsina jasaýǵa jumsalyp, emdeý men aldyn-alýǵa az qarajat qalǵanyn qalamaimyz. Mundai keshendi tásil bizge áli de qajet», - dedi H. Kliýge.
