Nuráli Áliev áleýmettik jelidegi paraqshasynda adamnyń ishki ózgerisi men rýhani tazarýy týraly jazba jariialady, dep habarlaidy ult.kz. Kznews.kz saityna silteme jasap.
Ol jazbasynda qazirgi kezeńdi keiinge qaldyrýǵa bolmaityn ýaqyt dep sipattap, adam óz ómirin avtomatty túrde emes, sanaly túrde súre bastaýy kerek ekenin aitty.
Álievtiń sózinshe, álem ózgerip jatyr, al buryn elenbei kelgen ishki qorqynysh, ókpe, ashý, qyzǵanysh pen beibereket oilar endi adam boiynda saldarsyz qala almaidy. Sondyqtan ol ár adamǵa oiy men nietin, júregi men ishki energiiasyn taza ustaýǵa mán berý qajet ekenin jazdy.
"Eger ishińizde ózgeriske degen úndi sezseńiz, ony elemei júre bermeńiz. Bul kezdeisoq emes. Bul – janyńyzdyń óz bolmysyńyzdy eske salýy", – degen oi aitty ol.
Sondai-aq Nuráli Áliev ózgeristi kishigirim qadamdardan bastaýǵa shaqyrdy. Atap aitqanda, oidy baqylaý, keńistikti tazartý, renishti jiberý, qorqynyshty kúsheitpeý, ózin damytý jáne shynaiy bolmysqa qaita oralý mańyzdy ekenin jetkizdi.
"Jańa álem syrtta emes, adamnyń óz ishinen bastalady. Ishki transformatsiiany neǵurlym erte bastasańyz, bolyp jatqan ózgeristerden soǵurlym jeńil ótesiz", – dep jazdy ol.
Aita keteiik, Nuráli Áliev – Nursultan Nazarbaevtyń jien nemeresi.
