Ýtilizatsiialyq alymnyń koeffitsientterin tómendetý máselesi boiynsha Memleket basshysynyń tapsyrmasyna sáikes kádege jaratý alymynyń koeffitsientterin qaita qaraý boiynsha vedomstvoaralyq jumys toby quryldy. Bul týraly QR Ekologiia, geologiia jáne tabiǵi resýrstar ministrliginen málim etti, dep habarlaidy "Ult aqparat".
«2022 jylǵy 11 qańtarda QR Parlamenti Májilisiniń otyrysynda sóilegen sózinde Memleket basshysy Qasym-Jomart Toqaev «ÓKM Operatory» JShS-niń kádege jaratý alymyn júrgizý jáne kádege jaratý alymyna ielik etýdi toqtatý jóninde is-sharalar qabyldaýǵa tapsyrma berdi. Osy tapsyrmany oryndaý aiasynda 2022 jylǵy 18 qańtarda QR Úkimeti «Qazaqstan Respýblikasynyń Ekologiia, geologiia jáne tabiǵi resýrstar ministrligine vedomstvolyq baǵynysty uiymdardyń keibir máseleleri týraly» qaýly qabyldady. Osyǵan bailanysty óndirýshilerdiń (importtaýshylardyń) keńeitilgen mindettemeleriniń operatory bolyp memlekettik uiym retinde «Jasyl damý» aktsionerlik qoǵamy aiqyndaldy. «ÓKM Operatory» JShS-niń kádege jaratý alymyn ákimshilendirý jáne tiisti qarajattarǵa bilik etý bóligindegi qyzmeti toqtatyldy», - dep atap ótedi ministrlikten.
Vedomstvo málimetinshe, búgingi kúni tiisti ýákiletti organdar aktivterdi memlekettik menshikke berý, ýákiletti organdardyń qorytyndylaryn usyný, «Jasyl damý» AQ balansyna berý, aktsionerlik qoǵamdy ádilet organdarynda qaita tirkeý jáne basqa da is-sharalardy qabyldap jatyr.
Aita keterligi, «Jasyl damý» aktsionerlik qoǵamy QR Ekologiia, geologiia jáne tabiǵi resýrstar ministrliginiń qaramaǵyndaǵy uiym sanalady.
«Ýtilizatsiialyq alymnyń koeffitsientterin tómendetý máselesi boiynsha QR Memleket basshysynyń tapsyrmasyna sáikes kádege jaratý alymynyń koeffitsientterin qaita qaraý boiynsha vedomstvoaralyq jumys toby quryldy. Bul mólsherlemeler osy jyldyń aqpan aiynyń sońyna deiin qaralyp, bekitiledi. Joǵaryda kórsetilgen jumys tobynyń qyzmet nátijeleri týraly aqparat ministrliktiń internet-resýrsynda ornalastyrylady. Kórsetilgen ýaqytqa deiin kádege jaratý alymy «Jasyl damý» AQ operatoryna qoldanystaǵy mólsherlemeler boiynsha tólenýde», - delingen ministrlik aqparatynda.
