Prezident Qasym-Jomart Toqaevtyń qaraýyna Abai, Jetisý, Ulytaý oblystaryn qurý týraly Jarlyqtyń jobasy engizildi, - dep habarlaidy "Ult aqparat" Qazaqstan Úkimetiniń baspasóz qyzmetine silteme jasap.
"Qazaqstan Prezidentiniń bastamasy jańadan qurylatyn óńirler turǵyndary men qoǵam belsendileri, aýdandyq jáne oblystyq deńgeidegi depýtattar tarapynan qoldaý tapty. Qoǵamdyq pikirler men usynystar eskerile otyryp, qaita uiymdastyrylatyn jáne jańadan qurylatyn óńirler shekarasy aiqyndaldy. Úkimet qaýlysy boiynsha Prezidenttiń qaraýyna tiisti Jarlyqtyń jobasy engizildi", - delingen Úkimet habarlamasynda.
Vedomstvo málimetinshe, Memleket basshysynyń tapsyrmasyn iske asyrý aiasynda úkimettik komissiia qurylyp, aýqymdy jumystar atqarylǵan.
"Jarlyq jobasyn daiyndaý kezinde aýdandyq jáne oblystyq máslihattar deńgeiinde birqatar jariia tyńdaýlar ótti. Sonymen qatar, Respýblikalyq onomastika komissiiasynyń otyrysy ótip, onda jańa oblystarǵa ataýlar berý týraly usynystar qoldaý tapty. Aýyldyq eldi mekenderde jergilikti atqarýshy organdar turǵyndarmen kezdesýler uiymdastyryp, túsindirý jumystaryn ótkizdi", - delingen habarlamada.
