Foto: baq.kz
Úkimet úiinde Qazaqstan Respýblikasy Úkimetiniń jańa quramdaǵy alǵashqy otyrysy ótti.
Premer-Ministr Asqar Mamin Elbasy jarlyǵymen bekitilgen QR Úkimetiniń jańa quramyn tanystyrdy.
"Memleket basshysy bizge úlken senim artyp otyr. Bul - úlken jaýapkershilik. Sol senimdi aqtaýymyz kerek. Úkimettiń jańa quramy nátijelerge baǵdar alǵan naqty ister Úkimetine ainalýy tiis. Memleket basshysy elimizdiń áleýmettik jáne ekonomikalyq damýyn jańa sapaly deńgeige shyǵarý, halyqtyń tabysy men turmysy deńgeiin arttyrý, tiimdi jańa jumys oryndaryn qurý, shaǵyn jáne orta biznesti damytý boiynsha birneshe mindetter júktep otyr. Osyndai naqty sharalardyń nátijesinde halyqtyń ál-aýqatyn jaqsarta alamyz", dedi Premer-Ministr.
Sondai-aq, Úkimet basshysy "Nur Otan" partiiasynyń sezinde halyqty áleýmettik qoldaýdy kúsheitý jáne jurtshylyqtyń turmys sapasyn arttyrý boiynsha birqatar jańa is-sharalar jariialanatynyn atap ótti.
Budan soń Úkimet quramyna engen jańa ministrlerdiń ant berý saltanaty ótti. Jańadan taǵaiyndalǵan Aýyl sharýashylyǵy ministri Saparhan Omarov, Bilim jəne ǵylym ministri Kúləsh Shámshidinova, Indýstriia jáne infraqurylymdyq damý ministri Roman Skliar, Ulttyq ekonomika ministri Rýslan Dəlenov Qazaqstan halqy men prezidentiniń aldynda ant berdi.
