Jańa turpatty jýrnalist daiyndaýǵa kóshý kerek. Bul týraly L. N. Gýmilev atyndaǵy Eýraziia ulttyq ýniversitetiniń rektory Erlan Sydyqov málim etti, dep habarlaidy QazAqparat.
«Qazir kommýnikatsiia qaryshtap damyp jatyr. Áleýmettik jeli, blogosfera, videoarnalar, veb-radiolar, mýltimedialyq gadjetter, podkastar jáne basqalary – jýrnalistikanyń jańa modelin dúniege ákeldi. Osy oraida jýrnalistika teoriiasy men praktikasy mamandary zaman talabyna sai jańa bilim baǵdarlamalaryn ázirlep, jańa turpatty jýrnalist daiyndaýǵa kóshýi kerek. Oǵan ýniversitetter daiyn», - dedi E. Sydyqov onlain-formatta «Qazaqstan Respýblikasyndaǵy jýrnalistika deńgeii» taqyrybynda ótken talqylaý barysynda.
Onyń paiymynsha, búgingi BAQ, jýrnalistika el damýynda, qoǵamdy basqarýda eleýli rólge ie.
«Jýrnalistika kásip, qyzmet, mamandyq bolýdan góri úlken mindet arqalaǵan missiiaǵa ainaldy. BAQ - elektorat senetin aqparat kózi. Sondyqtan da qazir kommýnikatsiia quraldary aiqyndaityn halyq biligi týraly aita bastasaq ta bolady. Bul bolashaq jýrnalisterdi daiyndaý barysynda bizdiń jaýapkershiligimizdiń arta túsetinin taǵy bir dáleldeidi», - dedi EUÝ rektory.
