Jańa týǵan sábiin basqa bireýge asyrap alýǵa bergen áiel ustaldy. Bul týraly QR IIM kriminaldyq politsiia departamenti bastyǵynyń orynbasary Qanat Nurmaǵambetov aitty, dep habarlaidy QazAqparat.
«Jambyl oblysynyń politsiia qyzmetkerleri osy jyldyń shilde aiynda 30 jastaǵy áieldiń jańa týǵan qyzyn úshinshi tulǵamen málime jasap, asyrap alýǵa bergenin anyqtady. QR Qylmystyq kodeksiniń 135-baby 1-tarmaǵymen sotqa deiingi tergeý bastaldy qajetti is-sharalar kesheni júrgizilip jatyr», - dedi ol IIM baspasóz qyzmeti alańynda ótken brifingte.
Sonymen atar ol Aqmola oblysynda 3-top múgedegin qaiyr tileýge májbúrlegen Kókshetaý qalasynyń 28 jastaǵy turyny ustalǵanyn atap ótti.
Onyń dereginshe, kúdikti kelinshek Óskemen qalasynan 60 jastaǵy múgedek er adamdy Kókshetaýǵa aldap alyp kelip, qaiyr tileýge májbúrlegen.
«Kúdikti mamyrdan bastap osy ýaqytqa deiin múgedek adamdy ortalyq bazarda kún saiyn 8-9 saǵat boiy qaiyr tileýge otyrǵyzyp qoiǵan. Túsken tabysty qaltasyna basqan. Fakti QR QK 126-baby 3-tarmaǵynyń 2-tarmaqshasy boiynsha tirkeldi. Tekserý júrgizilip jatyr», - dedi Qanat Nurmaǵambetov.
