جاڭا تۋعان سەبيٸن باسقا بٸرەۋگە اسىراپ الۋعا بەرگەن ەيەل ۇستالدى. بۇل تۋرالى قر ٸٸم كريمينالدىق پوليتسييا دەپارتامەنتٸ باستىعىنىڭ ورىنباسارى قانات نۇرماعامبەتوۆ ايتتى, دەپ حابارلايدى قازاقپارات.
«جامبىل وبلىسىنىڭ پوليتسييا قىزمەتكەرلەرٸ وسى جىلدىڭ شٸلدە ايىندا 30 جاستاعى ەيەلدٸڭ جاڭا تۋعان قىزىن ٷشٸنشٸ تۇلعامەن مەلٸمە جاساپ, اسىراپ الۋعا بەرگەنٸن انىقتادى. قر قىلمىستىق كودەكسٸنٸڭ 135-بابى 1-تارماعىمەن سوتقا دەيٸنگٸ تەرگەۋ باستالدى قاجەتتٸ ٸس-شارالار كەشەنٸ جٷرگٸزٸلٸپ جاتىر», - دەدٸ ول ٸٸم باسپاسٶز قىزمەتٸ الاڭىندا ٶتكەن بريفينگتە.
سونىمەن اتار ول اقمولا وبلىسىندا 3-توپ مٷگەدەگٸن قايىر تٸلەۋگە مەجبٷرلەگەن كٶكشەتاۋ قالاسىنىڭ 28 جاستاعى تۇرىنى ۇستالعانىن اتاپ ٶتتٸ.
ونىڭ دەرەگٸنشە, كٷدٸكتٸ كەلٸنشەك ٶسكەمەن قالاسىنان 60 جاستاعى مٷگەدەك ەر ادامدى كٶكشەتاۋعا الداپ الىپ كەلٸپ, قايىر تٸلەۋگە مەجبٷرلەگەن.
«كٷدٸكتٸ مامىردان باستاپ وسى ۋاقىتقا دەيٸن مٷگەدەك ادامدى ورتالىق بازاردا كٷن سايىن 8-9 ساعات بويى قايىر تٸلەۋگە وتىرعىزىپ قويعان. تٷسكەن تابىستى قالتاسىنا باسقان. فاكتٸ قر قك 126-بابى 3-تارماعىنىڭ 2-تارماقشاسى بويىنشا تٸركەلدٸ. تەكسەرۋ جٷرگٸزٸلٸپ جاتىر», - دەدٸ قانات نۇرماعامبەتوۆ.
