Foto: Pexels.com
Resei Federatsiiasynyń Prezidenti Vladimir Pýtin «Kazahstanskaia pravda» gazetine maqala jariialap, eki el arasyndaǵy yntymaqtastyq pen tyǵyz qarym-qatynas týraly pikir bildirdi, dep habarlaidy Ult.kz.
«Qazaqstan men Resei — eýraziialyq ekonomikalyq integratsiianyń belsendi jaqtaýshylary. Sonyń aiasynda taýarlardyń sapasyn arttyrý, kapitaldyń ortaq naryǵyn jáne kóliktik-logistikalyq infraqurylymdy damytý, saýda kedergilerin joiý boiynsha aýqymdy jumys atqaryp kelemiz. Munyń bári ekonomikanyń túrli salasynda tiimdi yntymaqtastyq ornatýǵa múmkindik beredi jáne elderimizge eleýli paida ákeledi»,- dedi Pýtin.
Elder arasyndaǵy saýda biyl qańtar-qyrkúiek ailarynda 20 mlrd dollardan asqan. Ózara esep aiyrysýdaǵy ulttyq valiýtalar úlesi turaqty túrde artyp keledi. Qazaqstan ekonomikasyna tartylǵan Resei investitsiiasynyń kólemi shamamen 13 mlrd dollarǵa jetti.
«Kaspii qubyr konsortsiýmynyń arqasynda Qazaqstan eksporttaityn munaidyń 80% astamy Resei aýmaǵy men reseilik porttar arqyly Qara teńizben shetel naryǵyna jetkizilip otyr. «Rosatom» Qazaqstanǵa iadrolyq otyn tizbeginiń jobalaryn iske asyryp, ýran ónerkásibin damytýǵa tájiribelik turǵydan kómek kórsetip keledi, - deidi Resei basshysy.
Taraptar arasynda mádeniet, sport, bilim berý salasynda da yntymaqtastyqty keńeitýde birqatar jumys atqarylyp jatyr. Osy oraida Resei Prezidenti Qasym-Jomart Toqaevty 9 mamyrda Máskeýde ótetin aýqymdy is-sharaǵa shaqyrdy.
«Jaqynda Astanada Resei SIM Máskeý memlekettik halyqaralyq qatynastar institýtynyń filialy ashylmaq, onyń túlekteri arasynda Qasym-Jomart Kemeluly Toqaev bar. Resei Qazaqstanda jańa orystildi mektepter salýdy jáne mekteptegi orys tilinde bilim berý sapasyn arttyrýdy qoldaidy. Jýyrda Qyzylorda, Taraz jáne Túrkistan qalalarynda osyndai úsh mekteptiń ashylýy kútilýde», - dedi V.Pýtin.
Sondai-aq Pýtin Qazaqstan Respýblikasyna kezekti memlekettik sapary aiasynda Qasym-Jomart Kemelulymen birge Ýfada ótip jatqan óńiraralyq yntymaqtastyq forýmy qatysýshylaryna beinebailanys boiynsha úndeý joldaitynyn atap ótti.
