.jpg)
Foto: Almatykitap baspasóz qyzmeti
Oqýlyq – bul jai ǵana kitap emes, muǵalimniń basty quraly jáne oqýshynyń senimdi kómekshisi. Tsifrlyq tehnologiialar damyǵan zamanda qaǵaz oqýlyqtardyń mańyzy áli de joǵary, sebebi barlyq bilim berý resýrstary osy oqýlyqtardyń mazmunyna negizdeledi. Sondyqtan sapaly oqýlyq jazý, ony urpaqqa usyný jaýapty is sanalyp, jii qoǵam talqylaýyna túsedi. Keide oryndy, birde múldem mánsiz daý men arty «túimedeidi túiedeige ainaldyrar» aqparattyq maidanǵa ulasyp jatady. Biraq bizdiń aǵartýshylarymyz qai zamanda da oqýlyq jazý isinde osaldyq tanytqan emes.
Máselen, Maǵjan Jumabaev «Pedagogika», Júsipbek Aimaýytov «Tárbie jetekshisi», «Psihologiia», «Jan júiesi jáne óner tańdaý», Halel Dosmuhamedov «Tabiǵattaný», «Janýarlar», «Adamnyń tán tirligi», «Oqýshylardyń densaýlyǵyn saqtaý», Qanysh Sátbaev «Algebra» sekildi oqýlyqtar jazǵan. Osylaisha, keiingi býynnyń ozat bolýyna óz úlesterin qosqan. Al M. Jumabaevtyń «Pedagogikasy» men J. Aimaýytovtyń «Psihologiiasy» qandai qundy kitaptar?! Áli kúnge deiin oqytý júiesine berer jemisin joia qoiǵan joq.
Qazaqstanda jyl saiyn jańartylǵan, zamanaýi talaptarǵa sai oqýlyqtar ázirlenedi. Biyl Respýblikalyq ǵylymi-praktikalyq bilim mazmunyn saraptaý ortalyǵy júrgizgen sońǵy saraptama 278 oqýlyqtyń 266-synyń maquldanǵanyn kórsetti. Sarapshylar olardyń baǵdarlama talaptaryna sáikestigin, materialdardyń tolyqtyǵyn, mazmuny men qurylymyn jan-jaqty tekserdi.
Degenmen, búgingi oqýlyq tek teoriialyq málimetter jiyntyǵy ǵana emes. Ol oqýshylardyń syni oilaýyn, logikalyq taldaý qabiletterin jáne shyǵarmashylyq áleýetin damytýǵa baǵyttalǵan. Sonymen qatar, ulttyq qundylyqtardyń qamtylýy, mazmunnyń ómirmen bailanysy jáne sapaly poligrafiia da basty nazarda.
Qazaqstandaǵy jetekshi baspalardyń biri – «Almatykitap» baspasy. Ol elimizde alǵashqylardyń biri bolyp elektrondy «TopIQ.kz» bilim berý platformasyn engizdi jáne tsifrlyq oqytý materialdaryn belsendi túrde beiimdeýde.
Foto: Almatykitap baspasóz qyzmeti
Aitýly baspa 4, 7 jáne 8-synyptarǵa arnalǵan oqýlyqtardy ázirlep, saraptamadan ótkizip, olardy elimizdiń ár óńirindegi muǵalimderge tanystyrý úshin «Almatykitappen bilimge» atty respýblikalyq seminarlar uiymdastyrdy. Osy oraida, jańa oqýlyqtardyń jańashyldyǵyna da toqtalyp ótken jón.
Jańa oqýlyqtar qandai jańashyldyqtar ákeldi?
1. «Tsifrlyq saýattylyq» (4-synyp)
Búgingi tańda tsifrlyq daǵdylardy igerý oqý men jazý siiaqty mańyzdy. Bul oqýlyq oqýshylardyń internet keńistiginde durys baǵdar alýyna, aqparattyń ras-ótirigin ajyratýyna jáne negizgi baǵdarlamalarmen jumys isteýine kómektesedi.
2. «Beineleý óneri» (4-synyp)
Oqýlyq balalardyń shyǵarmashylyq qabiletin damytýǵa baǵyttalǵan. Qazaq beineleý óneriniń erekshelikterine erekshe mán berilip, ulttyq stilder qamtylǵan.
3. «Eńbekke baýlý» (4-synyp)
Oqýshylar túrli materialdarmen jumys isteý arqyly usaq motorikany damytady, eńbek mádenietin meńgeredi jáne logikalyq oilaýdy jetildiredi.
4. «Orys tili» (4-synyp)
Bul oqýlyq oqýshylardyń grammatikamen qatar sóileý daǵdylaryn damytýǵa arnalǵan. Mazmunynda Qazaqstan mádenieti týraly mátinder qamtylǵan.
5. «Himiia» (7–8 synyptar)
Kúrdeli ǵylymi uǵymdar oqýshylarǵa túsinikti tilde berilgen. Laboratoriialyq jumystar oqý protsesin qyzyqty ete túsedi.
6. «Biologiia» (7–8 synyptar)
Oqýlyq tek teoriialyq bilim berip qoimai, oqýshylardyń qorshaǵan ortaǵa degen qyzyǵýshylyǵyn oiatýdy maqsat etedi.
7. «Geografiia» (7–8 synyptar)
Qazaqstannyń tabiǵaty, resýrstary men ekonomikasy týraly ózekti aqparattar qamtylǵan.
Kezdesýlerge baspa mamandarynan bólek, oqýlyqtar avtorlary shaqyryldy. Olar ustazdarmen pikir almasty, oqý quraldary ishindegi materialdarǵa túsinikteme berdi jáne óńirlik ustazdarǵa qurmet retinde sheberlik sabaqtaryn ótkizip, qoshemetke bólendi.
Baspanyń alǵashqy seminary 27 qańtarda Semei qalasynyń №49 mektebinde bastaý alyp, ary qarai keń baitaq elimizdiń ońtústigi men soltústigin, shyǵysy men batysyn túgeldei qamtydy. Ár óńirde onlain jáne oflain rejimde keminde 800-den astam ustaz jinaldy. Is-sharaǵa jinalǵan ustazdar jańa oqý quraldaryn qoldaryna alyp, paraqtap, tolǵandyrǵan máselelerimen bólisti.
Foto: Almatykitap baspasóz qyzmeti
Máselen, Shyǵys Qazaqstan jáne Abai oblystary oqýlyqtardyń jańa qurylymyna jáne materialdy qoldaný ádistemesine erekshe nazar aýdardy. Muǵalimder tapsyrmalardyń qalai qurylatynyn, olardyń oqýshylardyń qandai daǵdylaryn damytýǵa baǵyttalǵanyn talqylady. Sondai-aq, olar kópsalaly, shyǵarmashylyq oilaýdy qajet etetin tapsyrmalardyń sanyn kóbeitýdi usyndy. Muǵalimder oqýlyqtarǵa arnalǵan ádistemelik nusqaýlyqtardy joǵary baǵalady, sebebi endi sabaq josparyn ázirleý úshin ýaqyt joǵaltýdyń qajeti joq – ár pán boiynsha qysqa merzimdi josparlar daiyn kúiinde berilgen.
Aqtóbe jáne Batys Qazaqstan oblystary elektrondy oqýlyqtardyń múmkindikterine qyzyǵýshylyq tanytty.
Mańǵystaý oblysy – «Beineleý óneri» oqýlyǵyndaǵy keibir ulttyq terminderdi talqylady.
Qyzylorda jáne Atyraý oblystary – TopIQ.kz platformasynyń muǵalimderge beretin múmkindikterine erekshe nazar aýdardy. Ásirese, «QAMQOR» júiesine degen úlken qyzyǵýshylyqtaryn tanytty. Bul jasandy intellekt negizinde jumys isteitin onlain-assistent, ol oqý materialdaryn taldap, muǵalimderge sabaqqa daiyndalýǵa kómektesedi, al oqýshylarǵa jeke usynystar beredi. Sol sebepten pedagogter, «QAMQOR» bilim berý protsesin edáýir jeńildetetinin jáne tiimdilikti arttyratynyn atap ótti.
Jańa oqýlyqtar ustazdarǵa jol tartýǵa daiyn, al Almatykitap baspasy olardyń sapasyn jetildirý úshin pedagogtermen jáne sarapshylarmen tyǵyz jumys isteýdi jalǵastyrady.
