Nur-Sultan Bilim basqarmasynyń basshysy Sholpan Qadyrova jańa oqý jylynda qai sanattaǵy oqýshylar kompiýtermen jáne roýtermen qamtamasyz etiletinin aityp berdi, dep habarlaidy QazAqparat.
«Qazirgi tańda sizderdi, jalpy barlyq ata-analardy alańdatyp otyrǵan suraqtyń biri - aldaǵy qashyqtan oqytýdyń qalai ótetini ekenin túsinip otyrmyz. Bul oryndy. Qashyqtan oqytý úshin eń aldymen pedagogtar men oqýshylardyń kompiýter jáne internetpen qamtamasyz etilýi mańyzdy.
Pedagogter men oqýshylardyń kompiýter men internetke qajettiligine monitoring júrgizildi. Qajetti quraldar satyp alynady», - dedi Sholpan Qadyrova qala ákimdiginiń Feisbýktegi paraqshasynda ótken baspasóz máslihatynda.
Bul rette tehnikany qajet etetin az qamtylǵan jáne kópbalaly otbasylardan shyqqan oqýshylar mindetti túrde kompiýter jáne roýtermen qamtamasyz etilmek.
